د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مشرانو جرګې د ١٣٩٧ کال د ملي بوديجې طرحه تاييد کړه

مشرانو جرګې د ١٣٩٧ کال د ملي بوديجې طرحه تاييد کړه

Nov 21, 2017 - 18:25

 کابل(پژواک،٣٠لړم٩٦): مشرانو جرګې د ١٣٩٧کال د ملي بوديجې طرحه د ځينو وړانديزونو په وړاندې کولو سره تاييد کړه او ټاکل شوې ده چې سبا ولسي جرګې ته وړاندې شي.

د افغانستان مالي کال د مرغومې په لومړۍ نېټه پېل کېږي.

 د راتلونکې مالي کال د بوديجې طرحه چې ٣٥٧.٦ميليارده افغانۍ عادي او انکشافي بوديجه په کې شامله ده او د روان کال د بوديجې په پرتله له ٢٢سلنه ډېر کموالى لري، د لړم په ١٥مه نېټه مشرانو جرګې ته وړاندې شوه.

 د راتلونکي کال په بوديجه کې ٢٦٧ميليارده افغانۍ عادي او له ٩٠ميليارده افغانيو ډېره انکشافي بوديجه شامله ده.

د ماليې وزارت د معلوماتو له مخې، ددغې بوديجې ١٦٩ميليارده افغانۍ چې د ټولې بوديجې له ٤٧سلنه ډېره برخه جوړوي، له کورنيو عوايدو او پاتې نوره يې د مرستندويانو له خوا تمويلېږي.

 د مشرانو جرګې ځينو غړيو د يادې شوې جرګې په نننۍ ناسته کې د راتلونکي کال د بوديجې طرحه نا انډوله وبلله .

مشرانو جرګې خپل ليکلي وړانديزونه ماليې وزارت ته وسپارل، خو په دې اړه يې جزييات وړاندې نه کړل.

د ماليې وزير محمد اکليل حکيمي د يادې شوې جرګې په نننۍ ناسته کې وويل، ياد شوي وړانديزونه به تر ممکن حده په پام کې ونيول شي.

هغه دغه راز وويل چې د راتلونکې کال د بوديجې په طرحه کې ډېر پام هغو ولايتونو ته شوى چې کم انکشاف يې کړى او دا ډول ولايتونو ته د روان کال دوه چنده بوديجه په پام کې نيول شوې ده.

د هغه په خبره، د بوديجې په طرحه کې انډول په پام کې نيول شوى او ټاکل شوې چې په راتلونکي کال کې د ټول هېواد ٢٥٠٠کلي د ولسي تړون له پروژو څخه برخمن شي.

بالاخره د مشرانو جرګې د غړيو د وړانديز له مخې، د بوديجې طرحه رايې اخيستنې ته وړاندې شوه او په اکثريت رايو سره تاييد شوه.

د اساسي قانون د ٩٨مادې له مخې، ددولت بوديجه او انکشافي پروګرامونه مشرانو جرګې او ددغې جرګې له نظر او مشورې وروسته ولسي جرګې ته وړاندې کېږي.

د ولسي جرګې د کمېټو د مشرانو د پرېکړې له مخې، ټاکل شوې ده چې د راتلونکي کال د بوديجې طرحه د ماليې وزارت له خوا يادې شوې جرګې ته وړاندې شي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement