لښکرګاه (پژواک د ليندۍ لومړۍ نېټه ٩٦): د هلمند چارواکي وايي، په ګرشک ولسوالۍ کې د هاوان مرمۍ لګېدو له امله، اته ماشومان ټپيان شوي دي.
د هلمند د والي وياند عمر ځواک، پژواک خبري اژانس ته وويل چې دا پېښه نن ماښام په پنځه نيمو بجو شوې ده.
ده زياته کړه، په دې پېښه کې اته ماشومان ټپيان شوي چې د څلورو روغتيايي حالت نازک ښودل شوى دى.
د هغه په وينا، ياده ساحه د دولت تر واک لاندې ده او د هاوان مرمۍ هم د طالبانو له سيمې راتوغول شوې ده .
د ګرشک ولسوالۍ يوه اوسېدونکي عنايت الله، پژواک ته وويل، دغه مرمۍ د داب بازانو سيمې په يوې کوڅه کې لګېدلې، مرګ ژوبله لري، خو د شمېر په يې اړه معلومات نه لري.
وسله والو طالبانو تراوسه په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن