اسعداباد-جلال اباد (پژواک، ٢ ليندۍ ٩٦): د کونړ ولايت امنيه قوماندان وايي چې د لوړو پوړو چارواکو په امر يې د پاکستاني ځواکونو د بريدونو په مقابل کې يې ځوابي بريدونه کړي دي.
د کونړ امنيه قوماندان پاسوال جمعه ګل همت د ليندۍ په ٢مه پژواک خبري اژاسن ته وويل چې دوى له سرکاڼو او شلطن ولسواليو څخه د پاکستاني بريدونو پر ضد د توپچي ځوابي بريدونه کړي دي.
هغه زياته کړه، هغه پوستې او سيمې يې په نښه کړې دي چې له هغه ځايه د دوى پر سيمو بريدونه کېدل.
خو همت دا ونه ويل چې د دوى په ځوابي بريدونو کې پاکستاني لوري ته څومره مرګ ژوبه اوښتې ده.
د کونړ امنيه قوماندان وايي چې پاکستاني ځواکونو په تېرو دوو اونيو کې شاوخوا ١١٣١ توغندي را توغولي چې له امله يې يو کس وژل شوی او ٧ نور ټپيان شوي دي.
دغه راز نوموړي زياته کړه چې د دغو بريدونو له امله ٥٠ کورونه ويجاړ او ٢٦٢ کورنۍ بېځايه شوې دي.
بلخوا د ننګرهار د والي وياند عطاءالله خوږياڼى وايي چې پاکستاني ځواکونو د دغه ولايت پر لعلپورې ولسوالۍ هم تېره شپه توغندويي بريدونه کړي دي.
نوموړي پژواک اژانس ته وويل چې په دغو بريدونو کې يوه ښځه ټپي شوې ده.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن