د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د بدني روزنې او سپورت نوى رئيس معرفي شو

د بدني روزنې او سپورت نوى رئيس معرفي شو

Nov 23, 2017 - 19:22

کابل (پژواک، ۲ ليندۍ ۹۶): د هېواد د بدني روزنې او سپورت نوى رئيس د ولسمشر محمد اشرف غني په حضور کې معرفي شو.

د جمهوري رياست له مطبوعاتي دفتر څخه پژواک خبري اژانس ته په را استول شوې خبرپاڼه کې راغلي، چې دغه مراسم نن په ارګ له غرمې وروسته ترسره شول.

سرچينه کاږي، د بدني روزنې او سپورت لوی رئیس حفیظ الله ولي رحیمي د ولسمشر له باور څخه په مننې وویل، په هېواد کې د جګړو له امله، ورزشي زېربناوې او امکانات له منځه تللي او په وروستیو کلونو کې ورزش ته لازمه پاملرنه نه ده شوې او ځینې لاسته راوړنو هم فردي اړخ لرله.

هغه زیاته کړه، د دې وخت رارسېدلی چې له بېلابېلو ورزشي برخو سره په همغږۍ د ورزشي ټولنې پر وړاندې شته لاملونه او ستونزې تشخیص او له منځه یوړل شي.

د ده په وينا، د ورزش سکتور کې د اصلاحاتو په راوړلو سره به په افغانستان کې د ورزشکارانو لپاره غوره زمینه برابره شي.

وروسته د هېواد جمهور رئیس خبرې وکړې او د ورزش د مخکښانو، مډال راوړونکو او اتلانو ګډون څخه په مننې یې وویل، نن د خوښۍ ورځ او ویاړ ځای دی چې پخوانی او اوسنی نسل په ورزش کې یو ځای شوی دی.

هغه د ورزش په ډګر کې له ویاړ ګټونکو څخه په مننې وویل: "زموږ اساسي موخه دا ده چې د جنګ ډګر د ورزش په ډګر بدل کړو."

ده څرګنده کړه، ورزش هغه وسیله ده چې موږ له یوه بل سره نږدې کوي.

دی وايي: "موږ هر اړخیزه طرحې ته اړتیا لرو چې د ورزش ټولو ابعادو ته په کتو ورته پاملرنه وکړو."

غني ویلي، د حکومت تعهد دا دی چې د هېواد د ورزشکارانو مرستندوى او ملاتړی وي او د هغوی لپاره  منابع جذب کړي او هیله لري چې د هېواد ورزش، مسلکي، د یووالي وسیله او  د ملي ویاړ لامل شي.

دى زياتوي: "د ورزش په برخه کې کوچنۍ نقطې باید زموږ د سترو اهدافو مانع نه شي. موږ باید لاسته راوړنې زیاتې کړو، ځکه د ورزشکارانو هره بریا د ټولو هېوادوالو د خوښۍ لامل ګرځي."

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement