کابل (پژواک، ٢ ليندۍ ٩٦): د ناټو د روزنې د غوڅ ملاتړ ماموريت درې سرتېري د ماين په يوه چاودنه کې ټپيان شوي دي.
د ناټو د غوڅ ملاتړ ماموريت یوه غړي هېواد جورجيا د دفاع وزارت د ليندۍ په ٢مه اعلان کړى چې دغه سرتېري يې د افغانستان له يوه هوايي ډګر سره نږدې ټپيان شوي دي.
سرچينې زياته کړې چې سرتېرو يې د معمول په څېر ګزمه کوله چې د سړک غاړې د ماين چاودنه پرې وشوه.
د دفاع وزارت ويلي چې په دې چاودنه کې يې درې سرتېري ټپيان شوي چې اوس مهال د پروان ولايت د بګرام په پوځي اډه کې تر درملنې لاندې دي.
دغه وزارت وايي چې د ټپي سرتېرو روغتيايي حالت د ډاډ وړ ښودل شوى دى.
جورجيا اوس په افغانستان کې ٨٧٩ سرتېري لري، له ٢٠٠١ زېږديز کال راهيسې په افغانستان کې د جورجيا ٣٢ وژل شوي او ٢٨٠ نور يې ټپيان شوي دي.
ناټو تر اوسه په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن