کابل (پژواک، ۳ لیندۍ ۹۶): په پېښور کې د یوه ځانمرګي برید له امله د خیبر پښتونخوا ایالت د پولیسو مرستیال او د هغه یو ساتونکی وژل شوي او شپږ پولیس ټپیان شوي دي.
په پېښور کې د پولیسو یوه مسوول طاهر خان خبریالانو ته ویلي چې دغه پېښه نن سهار هغه وخت رامنځته شوه چې د ایالتي پولیسو مرستیال اشرف نور له خپل کوره د دندې پر لور روان و.
هغه وویل چې یوه موټرسایکل سپاره ځانمرګي د پېښور د پولیسو د یاد چارواکي پر موټر چاودنه کړې ده.
طاهر خان زیاته کړه چې په دې چاودنه کې اشرف نور او د هغه یو ساتونکی وژل شوي او شپږ پولیس ټپیان دي.
د دغه برید مسوولیت تر اوسه چا پر غاړه نه دی اخیستی.
پاکستان چارواکي وايي چې په خیبر پښتونخوا کې څو وسله والې ډلې چې پاکستاني طالبان هم په کې شامل دي، فعالیت لري.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن