د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بلخ کې د ښځو پر وړاندې د تاوتريخوالي ٤٠٠ پېښې ثبت شوې

بلخ کې د ښځو پر وړاندې د تاوتريخوالي ٤٠٠ پېښې ثبت شوې

Nov 25, 2017 - 17:40

مزارشريف (پژواک، ۴ ليندۍ ۹۶) : په شمال زون کې د ښځو پر وړاندې د تاوتريخوالي څه باندې ۴۰۰ پېښې ثبت شوې دي.

د بلخ ولايت په مرکز مزارشريف ښار کې د ليندۍ په ۴مه، په دولتي کچه د ښځو پر وړاندې د تاوتريخوالي د مخنيوي نړيواله ورځ ونمانځل شوه، چې د دولتي چارواکو تر څنګ په کې مدني فعالانو هم برخه لرله.

د ياد پروګرام په څنډه کې د شمال زون د بشر حقوقو خپلواک کمېسون مسوول قاضي سيدمحمد سامع وويل، سږکال په دغه زون کې د ښځو پر وړاندې د تاوتريخوالي ۴۴۳ پېښې له دوی سره ثبت شوې دي.

نوموړي که څه هم د تېر کال په پرتله په دغه تاوتريخوالي کې ۵ سلنه زياتوالی وښود؛ خو د کورنيو له خوا مېرمنو ته د نفقې نه ورکولو په تړاو يې اندېښنه وښوده.

د هغه په وينا، سږکال په شمال زون کې د بشر حقوقو کمېسون ته د تېرو کلونو په پرتله د نفقې د نه تر لاسه کېدو په تړاو د ښځو ډېر شکايتونه شوي دي.

سامع يې لامل، غريبي، بې روزګاري او ناامني وګڼله.

بلخوا د بلخ ولايت د ښځو چارو رييسه شهلا حديد بيا د تېرو کلونو په پرتله د حقوقو پوهېدو په تړاو د ښځو د پوهې کچې لوړتيا وستايله.

نوموړې زياته کړه، که څه هم ښځه لا له خورا سختيو سره مخ ده؛ خو اوس د ښارونو تر څنګ د کليو مېرمنې هم په خپلو حقوقو د پوهېدو هڅه کوي.

مدني فعالان بيا د ښځو د تاوتريخوالي د مخنيوي په پار د ورته پروګرام نيول، بې ځايه لګښت بولي.

مدني فعالې مېرمن نرګس وويل، له تېرې لسيزې چې د ښځو د تاوتريخوالي په تړاو څومره هڅې شوې پايلې يې په هغه اندازه د ياد وړ نه دي.

نوموړې زياته کړه چې لا هم د ښځو د حقوقو تر لاسه کېدو په تړاو هڅې تر ښارونو پورې رالنډې  او کلي ترې محروم پاتې دي.

ورته راپورونه:

نظر ورکړئ

اعلانونه

Advertisement