ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې د دولت نهه وسله وال مخالفین وژل شوي

ننګرهار کې د دولت نهه وسله وال مخالفین وژل شوي

author avatar
16 Dec 2017 - 14:00
ننګرهار کې د دولت نهه وسله وال مخالفین وژل شوي
author avatar
16 Dec 2017 - 14:00

جلال اباد (پژواک، ۲۵ ليندۍ ۹۶): د ننګرهار چارواکي وايي چې د خوږياڼو ولسوالۍ په مربوطاتو کې د ځانګړو عملياتو په ترڅ کې نهه وسله وال مخالفين وژل شوي او څلور نور ټپيان دي.

د ننګرهار د والي وياند عطاءالله خوږياڼي د ليندۍ په ۲۵مه پژواک خبري اژانس ته وويل چې د خوږیاڼو ولسوالۍ په ټټنګ سیمه کې ځانګړو هوايي ځواکونو عمليات کړي دي.

هغه زياته کړه چې د دغو عملياتو په ترڅ کې څلور وسله وال طالبان وژل شوي او د دوی یو مهم قوماندان ژوندی نیول شوى دی.

د نوموړي د معلوماتو له مخې چې د دغو عملیاتو پر مهال ځانګړې قطعې اووه نور مشکوک کسان هم نیولي دي.

د يو بل خبر له مخې، په خوږياڼو ولسوالۍ کې د ګډو افغان ځواکونو د عملياتو پر مهال پنځه داعش وسله وال وژل شوي او څلور نور ټپيان دي.

هغه زياته کړه چې د دوو وژل شوو داعش وسله والو جسدونه اوس هم په سیمه کې پراته دي.

د خوږياڼي د معلوماتو له مخې، د ترسره شوو عملیاتو پر مهال څلور د وسایطو ضد ماینونه هم کشف او له منځه وړل شوي دي.

داعش او طالب وسله والو تر اوسه په دې اړه رسنيو ته څه نه دي ويلي.

د يادونې ده، شاوخوا شپږ ورځې وړاندې په خوږياڼو ولسوالۍ کې د داعش او طالب وسله والو پر وړاندې عمليات پيل شوي دي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.