اسعد اباد (پژواک، ٢٦ ليندۍ ٩٦) : په کونړ ولايت کې د ماين د چاودنې له امله يو قومي مشر ووژل شو .
دکونړ ولايت امنيه قوماندان پاسوال جمعه ګل همت د ليندۍ په ٢٦مه، پژواک خبري اژانس ته وويل چې دا پېښه نن له غرمې مخکې په يوولسو بجو په شلطن ولسوالۍ کې رامنځته شوې ده.
هغه زياته کړه، د ملک ګل پاچا په نوم د سيمې يو قومي مشر له خپل کوره راوتلى او پر لاره پلى روان و، چې د وسله والو مخالفينو له لوري ځاى پر ځاى شوى ماين پرې وچاودېد او ووژل شو.
همت زياتوي، ګل پاچا له دولت سره همکار قومي مشر و چې د دولت او ولس د دښمنانو له لوري په نښه شوى دى.
د قومي مشرګل پاچا د وژنې مسووليت تر اوسه کومې وسله والې ډلې نه دى منلى .
د يادونې ده چې تېره مياشت د کونړ ولايت څلور قومي مشران په جلال اباد ښار کې ديوې چاودنې له امله وژل شوي وو.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن