د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د لښکرګاه ځانمرګي بريد کې ١٤ سرتېري او يو ملکي وګړى ټپيان شوي

د لښکرګاه ځانمرګي بريد کې ١٤ سرتېري او يو ملکي وګړى ټپيان شوي

Dec 27, 2017 - 15:08

لومړى تعقيب - لښکرګاه (پژواک، ٦ مرغومى ٩٦): د هلمند ځايي چارواکي وايي چې د لښکرګاه په ځانمرګي بريد کې د ملي اردو د ١٤ سرتېرو په ګډون ١٥ تنه ټپيان شوي دي.

عيني شاهدان وايي چې د موټر په وسيله دا ځانمرګى بريد نن (د مرغومي ٦مه) له غرمې وروسته شاوخوا دوه نيمې بجې د لښکرګاه ښار اړوند بُست کلا  او هوايي ډګر پر لاره د پوليسو د ٥٠٥ زون قوماندانۍ مخې شوى دى.

د هلمند د والي وياند عمر ځواک پژواک خبري اژانس ته وويل، چې په دې بريد کې ١٤ سرتېري او يو ملکي وګړى ټپيان شوي او درې هاموې موټر زيانمن دي.

د روغتون سرچينې وايي چې دوى ته يو ملکي ټپي راوړل شوى، نور ټپيان د ملي اردو روغتون ته لېږدول شوي دي.

د دې بريد مسووليت طالبانو په غاړه اخيستى دى. د دې ډلې وياند قاري يوسف احمدي ويلي، دغه بريد د دوى يو تن د موټر په وسيله کړى چې ګڼ شمېر عسکرو ته يې په کې مرګ ژوبله اړولې ده.

څو ورځې مخکې هم په دې ولايت کې د موټربم بريد کې ګڼ شمېر کسانو ته مرګ ژوبله اوښتې وه.

ورته راپورونه:

نظر ورکړئ

اعلانونه

Advertisement