د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اروزګان کې پوليسو او طالبانو ته مرګ ژوبله اوښتې ده

اروزګان کې پوليسو او طالبانو ته مرګ ژوبله اوښتې ده

Jan 13, 2018 - 13:45

ترينکوټ- ښرنه (پژواک، ۲۳ مرغومی ۹۶): چارواکي وايي چې د اروزګان په مرکز ترينکوټ ښار کې د عملياتو پر مهال پوليسو او وسله والو طالبانو ته مرګ ژوبله اوښتې ده.

په دغه ولايت کې د ملي اردو د څلورمې پلې لوا قوماندان ډګروال رحمت شاه قيمتي د مرغومي په ٢٣مه پژواک خبري اژانس ته وويل چې افغان هوايي ځواکونو تېره ورځ له غرمې وروسته د ترينکوټ اړوند په کوټوال سيمه کې د وسله والو طالبانو پر يوه پټنځای هوايي بريد وکړ.

هغه زياته کړه چې په دغه بريد کې درې طالبان وژل شوي او څلور نور ټپيان دي.

د قيمتي د معلوماتو له مخې، په وژل شوو کې د طالبانو يو قوماندان هم شامل دى.

د يو بل خبر له مخې، په مرکز ترينکوټ کې نن سهار د ماين په يوه چاودنه کې درې پوليس ټپيان شوي دي.

د اروزګان د امنيې قومندانۍ مسوولين تر دې مهاله په دې اړه ناخبري ښيي، خو د ملکي روغتون يوه ډاکتر پژواک ته وويل چې دوى ته درې پوليس په ټپي حالت کې ور وړل شوي دي.

هغه د ټپيانو روغتيايي حالت د ډاډ وړ وباله. وسله والو طالبانو تر اوسه د يادو پېښو په اړه څه نه دي ويلي.

بلخوا د پکتيکا ولايت د ملي امنيت مسوولينو د مرکز ښرنې ښار کې د ملکي روغتون تر څنګ يو موټرسايکل بم کشف او شنډ کړى دى.

د امنيت ملي سرچينې وايي چې دغه موټرسايکل يې نن سهار نیولی او د یوې خونړۍ پېښې مخنیوی یې کړی دی.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan