لښکرګاه (پژواک، ٢٣ مرغومى ٩٦): د هلمند په ګرشک ولسوالۍ کې د ملي اردو څلور سرتېري او اووه طالبان وژل شوي او د ملي اردو نهه سرتېري ټپيان دي.
په ګرشک کې يوې باوري امنيتي سرچيني د مرغومي په ٢٣مه پژواک خبري اژانس ته وويل چې تېره شپه وسله والو طالبانو په دې ولسوالۍ کې د ملي اردو پر پوستې بريد کړى دى.
هغه وايي چې په دغه بريد کې څلور د ملي اردو سرتېري وژل شوي او نهه نور ټپيان دي.
د سرچيني په وينا، په دې جګړه کې اووه طالبان هم وژل شوي او يو شمېر نور ټپيان دي.
د هلمند حکومتي چارواکو په دې اړه تر اوسه په رسمي ډول رسنيو ته څه نه دي ويلي.
بلخوا د وسله والو طالبانو وياند قاري يوسف احمدي په خپله ټويټرپاڼه کې ليکلي چې د ګرشک ولسوالۍ په تُرابي هوټل سيمه کې طالبانو د ملي اردو پر پوستې بريد کړى دى.
هغه وايي چې په دغه بريد کې پنځه د اردو سرتېري وژل شوي او دوه نور ټپيان دي.
هلمند د افغانستان د تر ټولو نا امن ولايت دى چې دا مهال يې شپږ ولسوالۍ له وسله والو طالبانو سره دي او د پاتې نورو يې يواځې مرکزونه د حکومت په لاس کې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن