کابل (پژواک، ٢٤ مرغومى ٩٦): په لوګر کې د کليو د بيارغونې او پراختيا وزارت له خوا د ۳۰ پروژو چارې بشپړې او ګټې اخيستنې ته وسپارل شوې.
له دې وزارت څخه پژواک خبري اژانس ته په را لېږل شوې خبرپاڼه کې د لوګر د کليو د بيارغونې او پراختيا رييس انجنير عاشق الله اخلاص په حواله ليکلي چې په دغو پروژوکې د اوبو رسولو شبکې، سلګونه متره استنادي دېوال رغول، د څښاک د پاکو اوبو لسګونه څاګانې کېندل، د کابو ۷ کيلومتره سړک اسفالت کول او د لسګونو کيلومتره سړک جغل اچونه شامل دي.
ده زياته کړې، دغه پروژې چې چارې يې سل په سلو کې بشپړې شوي او څه باندې ١٦٣ ميليونه افغانۍ لګښت پرې راغلى، د ولايت په مرکز او ولسواليو کې پلې شوې دي.
د هغه د معلوماتو پربنسټ، په راتلونکو دوو يا درې اوونيو کې به په دغه ولايت کې د شپږو نورو پروژو چارې هم بشپړې شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن