کندهار (پژواک ٢٦ مرغومى ٩٦): په کندهار کې په يوه ساعت کې د هدفي وژنو په درېيو پېښو کې ناپېژاندو وسله والو درې تنه وژلي دي.
دغه درې واړې پېښې، نن مازیګر د پنځو او شپږو بجو تر منځ شوې دي.
د کندهار ښار د لومړۍ ناحیې اړوند سردار مدد خان څلور لارې ته څېرمه مخپټو وسله والو یو کس وژلی او تښتېدلي دي.
همدارنګه د کندهار ښار د څلورمې امنیتي حوزې اړوند د زاړه ګمرک په سیمه کې په سپین فیلډر موټر کې سپرو وسله والو پر یوه سپین ږیري ډزې کړي او هغه یې وژلی دی.
دغه راز د کندهار ښار د نهمې امنیتي حوزې د ډبرو پل په سیمه کې سپین جومات ته څېرمه مخپټو وسله الو یو پولیس په نښه کړی او وژلی دی.
یوه امنیتي سرچینه دا پېښې تاييدوي او وايي چې برید کوونکي تښتېدلي، خو په اړه یې پلټنې پیل شوې دي.
د لومړیو دوو پېښو د قربانیانو د هویت په اړه معلومات نشته، خو ویل کېږي چې ملکي وګړي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن