کابل (پژواک، ۲۹ مرغومی ۹۶): د ملي دفاع وزارت وايي چې تېر ۲۴ ساعته په یو شمېر ولایتونو کې ۳۴ وسله وال مخالفین وژل شوي او ۳۳ نور ټپیان دي.
د دغه وزارت له خوا د مرغومي په ۲۹مه پژواک خبري اژانس ته په یوه مطبوعاتي خبرپاڼه کې راغلي چې د هېواد ملي امنیتي ځواکونو په تېرو ۲۴ ساعتونو کې د خلکو د خوندیتوب او امنیت راوستو په موخه د هېواد په بېلابېلو سیمو کې عملیات ترسره کړي دي.
خبرپاڼه کې ویل شوي چې د ملي امنیتي ځواکونو دغه یرغلیز او تعرضي عملیات د هوايي او توپچي ځواکونو په ملاتړ په ننګرهار، لغمان، غزني، لوګر، اروزګان، زابل، هرات، فراه، بادغیس، فاریاب، بغلان، کندوز او هلمند ولایتونو کې ترسره شوي دي.
خبرپاڼه کې راغلي چې د ۲۴ ساعتونو پر مهال نهه چاڼیز، په نهو ولایتونو کې ۱۵ ځانګړي عملیات ترسره شوي او دغه راز هوايي ځواکونو د ملي اردو ځواکونو په ملاتړ ۸۵ الوتنې ترسره کړې او د دښمن پر ۱۶ مرکزونو یې بریدونه کړي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن