د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مدني فعالان :نړيواله ټولنه دې له افغانستانه بهر د ترهګرو مرکزونه له منځه يوسي

مدني فعالان :نړيواله ټولنه دې له افغانستانه بهر د ترهګرو مرکزونه له منځه يوسي

Jan 30, 2018 - 16:23

جلال اباد (پژواک، ۱۰ سلواغه ۹۶): په ننګرهار کې مدني فعالانو په کابل  او د هېوادو نورو ولايتونو کې وروستۍ پېښې وغندلې او له نړيوالو يې وغوښتل چې له هېواده بهر د ترهګرو مرکزنو د له منځه وړلو په برخه کې دې جدي ګامونه واخلي.

دغه مدني  فعالان د سلواغې په ۱۰مه د ننګرهار د ولایت مقام په رسنیو دفتر کې راټول شوي وو او يادې پېښې يې د افغان وژنې دسيسه ياده کړه.

 مدني فعال محمد انور سلطاني په کابل، ننګرهار ، هلمند او کندهار ولایتونو کې وروستۍ رامنځته شوې پېښې په کلکو ټکو وغندلې.

هغه زیاته کړه، د ترهګرو د روزنې مرکزونه له ډيورنډفرضي کرښې ها خوا دي او له همغه ځایه په افغانستان کې ترسره شوي وحشي  بریدونه پلانیږي ، چې له امله يې بې ګناه مسلمانان وژني.

يو بل مدني فعال او د ننګرهار د مدنی ټولنو د همغږۍ دفتر مشر عبداللطيف واحدي له نړیوالو غوښتنه وکړه  چې له هېواده بهر د ترهګرو مرکزونو په له منځه وړلو کې جدي اقدامات وکړي.

په یاد کنفرانس کې یو بل مدني فعال نجیب الله صاحبزاده وروستۍ رامنځته شوې وحشیانه  پيښې د اسلام او انسانیت سره په ټکر کې وبللې او زیاته يې کړه، داسې وحشیانه پېښې د افغانانو ارادې نه شي بدلولی.

ده دغه راز وویل،  افغانستان د پرمختګ پر لور روان دی او د هېواد دښمنان په بېلا بېلو برخو کې دغه پرمختګونه نه شي زغملی او غواړي په داسې وحشیانه پېښو د افغانانو ارادې بدلې کړي.

یادو مدني فعالانو د امنیتي ځواکونو مېړانه او قربانۍ وستایلې او هم يې ورته د پوره همکارۍ او ملاتړ  ډاډ ورکړ.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan