کابل (پژواک، ۱۴ سلواغه ۹۶): د کابل ښار د درېيمې امنيتي حوزې اړوند خاتم النبيين پوهنتون ته څېرمه په يو سرای کې د اور لګېدنې له امله درې هټۍ سوځېدلې دي.
د کابل د ۱۰۱ اسمايي زون قوماندانۍ وياند بصير مجاهد پژواک خبري اژانس ته وويل چې اورلګېدنه نن سهار شاوخوا اته نيمې بجې د موټر جوړولو د ياد سراى د تېلو په يوه هټۍ کې رامنځته شوې ده.
د ده په وينا، په دې پېښه کې د تېلو ياده هټۍ او دوه د موټرو پرزو هټۍ سوځېدلي دي.
د هغه په خبره، اور د اور وژنۍ ډلې وژلى دى.
د پېښې عيني شاهد محمد يوسف وايي، لومړی يو غږ واورېدل شو، ټولو فکر کاوه چې د بم چاودنه ده، خو وروسته څرګنده شوه چې د اورلګېدنې له امله د ګاز ډبه او يا د تېلو بېرل چاودلى دى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن