د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندوز والي: د ولسمشر حکم ته درناوى لرم

د کندوز والي: د ولسمشر حکم ته درناوى لرم

Feb 19, 2018 - 14:34

کندوز (پژواک، ٣٠ سلواغه ٩٦): د کندوز والي اسدالله عمرخېل هغه اوازې رد کړې چې ګواکې د ولسمشر د حکم خلاف پر خپلې دندې پاتې کېږي.

دوه ورځې مخکې ولسمشر محمد اشرف غني د کندوز د والي په ګډون د يو شمېر ولايتونو واليان له دندې ګوښه او ځيني نور يې بيا د نورو ولايتونو د واليانو په توګه وګومارل.

په دغو کسانو کې د لغمان والي عبدالجبار نعيمي د کندوز لپاره نوى والي وټاکل شو، خو د کندوز د والي اسدالله عمرخېل نوې دنده نه ده اعلان شوې.

خو پرون د سمنګان مخکني والي عبدالکريم خدام وويل، تر هغه چې جمعيت او ترکمنانو پرېکړه نه وي کړي، د ولسمشر د حکم پر بنسټ له خپلې دندې نه ګوښه کېږي.

بل لور ته د کندوز لرې کړل شوي والي اسدالله عمرخېل د سلواغې په ٣٠ مه پژواک خبري اژانس ته وويل چې د ګوښه کېدو په برخه کې د ولسمشر حکم ورته د منلو وړ دى.

ده زياته کړه: ((زه د ولسمشر حکم ته احترام لرم او هر څوک چې د کندوز د والي په توګه معرفي کړي، زه ورسره مشکل نه لرم.))

اسدالله عمرخېل د دعوت ګوند غړى دى.

د اړوندې موضوع په اړه د کندوز ولايتي شورا رييس محمد يوسف ايوبي پژواک ته وويل چې ټول واليان بايد د ولسمشر حکم عملي کړي.

ده وويل: ((موږ د ولسمشر د حکم ملاتړ کوو، ټول يې بايد حکم ومني.))

ايوبي له حکومتي چارواکو غوښتنه وکړه چې د کندوز پخوانى والي اسدالله عمرخېل په يو بل ځاى کې پر دنده وګوماري.

د يادونې ده، د واليانو د لرې کولو په برخه کې د لومړي ځل لپاره د بلخ پخواني والي عطامحمد نور د ولسمشر د حکم مخالفت وکړ.

شاوخوا درې مياشتې وړاندې د ولسمشر د حکم له مخې عطامحمد نور له دندې ګوښه او پرځاى يې انجنير داوود پر دنده وګومارل شو خو عطامحمد نور تر اوسه خپلې دندې ته ادامه ورکوي او د ولسمشر حکم نه مني.

ورته راپورونه:

نظر ورکړئ

اعلانونه

Advertisement