د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ځايي سرچينې: طالبانو په فراه کې ۲۰ پوليس وژلي

ځايي سرچينې: طالبانو په فراه کې ۲۰ پوليس وژلي

Feb 20, 2018 - 15:52

فراه (پژواک، د کب لومړۍ نېټه ۹۶):ځينې سرچينې وايي چې په فراه کې د طالبانو په بريدونو کې ۲۰ طالبان وژل شوي او ۸ نور یې ژوندي نيولي دي، خو پوليس د خپلو ۸ کسانو وژل کېدل تاييدوي او وايي چې په دغو بريدونو کې ۱۳ طالبان هم وژل شوي دي.

د فراه ولايتي شورا غړي او د دغه ولايت د مرکز د شمالګان کلي اوسېدونکي دادالله قانع پژواک خبري اژانس ته وويل چې وسله والو طالبانو تېره شپه په ياد کلي کې د پوليسو پر يوې پوستې بريد وکړ.

نوموړي وويل چې ياده پوسته د وسله والو طالبانو له خوا ونيول شوه، خو دولتي ځواکونو بېرته تر خپل کنټرول لاندې راوستلې ده..

قانع وويل چې په دغه بريد کې پنځه پوليس وژل شوي او ۴  نور طالبانو له ځان سره بيولي دي.

نوموړي زياته کړه چې طالبانو د يادې پوستې وسلې او مهمات هم له ځان سره وړي او يو هاموې ټانک يې سوځولی دی.

د فراه د ولايتي شورا دغه غړي وويل چې په ياد بريد کې د طالبانو د مرګ ژوبلې په اړه معلومات نه لري.

د يو بل خبر له مخې، وسله والو طالبانو تېره شپه د فراه ولايت بالابلوک ولسوالۍ په فراه رود بازار کې هم پر يوې امنيتي پوستې بريد کړی.

د عتيق الله په نامه د يادې سيمې يوه اوسېدونکي وويل چې طالبانو په دې سيمه کې پر درېيو امنيتي پوستو بريد وکړ او يوه پوسته يې د يوڅه وخت لپاره ونيوله.

نوموړي زياته کړه، د ده د معلوماتو له مخې په ياد بريد کې ۱۵پوليس وژل شوي او ۴تنه طالبانو ژوندي بيولي دي.

نوموړي دغه راز وويل چې په ياد بريد کې طالبانو ته د اوښتې احتمالي مرګ ژوبلې په اړه معلومات نه لري.

خو د طالبانو وياند قاري يوسف احمدي ويلي چې په شمالګاه او فراهرود سيمو کې د طالبانو په بريدونو کې ۲۶ دولتي ځواکونه وژل شوي او۱۰ نور طالبانو ژوندي بيولي دي.

د نوموړي په وينا، طالبانو د درې واړو پوستو ټول تجهيزات له ځان سره وړي او دوی ته زيان نه دی رسېدلی.

خو د فراه د والي وياند ناصر مهري د قاري يوسف احمدي دغه خبرې رد کړې او ويې ويل چې تېره شپه په يادو  دوو سيمو کې د طالبانو په بريدونو کې ۸ پوليس او ۱۳وسله وال طالبان وژل شوي دي.

نوموړي دغه راز د طالبانو له خوا د پوليسو د بيولو په اړه وويل چې تېره شپه طالبانو کومه پوسته نه ده نيولې.

د راپورونو له مخې، په تېره يوه اوونۍ کې په فراه ولايت کې د طالبانو په ورته بريدونو کې ۱۷پوليس وژل شوي دي.

دا په داسې حال کې ده چې د روان کال د سلواغې په ۱۸مه، له افغان امنيتي ځواکونو څخه د هوايي ملاتړ په موخه يو شمېر ايټاليايي ځواکونه فراه ته ولاړل.

ورته راپورونه:

نظر ورکړئ

اعلانونه

Advertisement