د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

محکمې د پنځه ميليارده افغانيو راګرځولو حکم ترڅنګ، ٩٥ چارواکو ته سزا ورکړه

محکمې د پنځه ميليارده افغانيو راګرځولو حکم ترڅنګ، ٩٥ چارواکو ته سزا ورکړه

Feb 25, 2018 - 19:37

کابل (پژواک، ٦ کب ٩٦): د اداري فساد پر وړاندې د مبارزې عدلي او قضايي مرکز په روان کال کې د ملکي او نظامي برخو ٩٥ لوړپوړي چارواکي په سزا محکوم کړي او دغه راز يې د پنځه ميلياردو افغانيو د بېرته راګرځولو حکم کړى دى.

د لويې څارنوالۍ وياند جمشېد رسولي، نن په کابل کې د خبري ناستې پر مهال وويل، يادې ادارې د کال له پيل راهيسې د اداري فساد له ١٥٠٠ زياتې قضيې څېړلې دي.

هغه زياته کړه، په ټوليز ډول د يادو پېښو په تړاو ٥٤ نظامي او ملکي منسوبين ممنوع الخروج اعلان شوي او د ١٥ نورو مامورينو دندې ځنډېدلې دي.

هغه وويل، له ټولو ١٥٠٠ قضيو، ١٣٥ قضيې يې د اداري فساد پر وړاندې د مبارزې عدلي او قضايي مرکز پورې اړوند وې.

رسولي څرګنده کړه، په ياده قضيه کې د ١٣٥ کسانو له جملې يې ١١٨ کسان په دغه مرکز کې محاکمه شوي دي.

نوموړي د محکوم شوو چارواکو د هويت په اړه له جزئياتو وړاندې کولو پرته وويل، د دوى له ډلې يې ٩٥ کسان په زندان محکوم شوي، شپږ کسان نغدي جريمه شوي، ١٧ کسان برائت اخيستى او خوشي شوي او د نورو ١٧ کسانو دوسيې تر څېړنې لاندې دي.

نوموړي زياته کړه، د فساد پر وړاندې د مبارزې عدلي او قضايي مرکز د يادو قضيو په تړاو، د يو ميليارد او شپږ سوه زره افغانيو، شاوخوا ٤٩ ميليون او ٥٠٠ زره امريکايي ډالرو او ٣٠٠ زره پاکستانۍ کلدارو د راګرځولو حکم هم کړى دى.

ورته راپورونه:

نظر ورکړئ

اعلانونه

Advertisement