د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سمنګان کې يوه ځوان د خپلې خور په ګډون دوه کسان وژلي

سمنګان کې يوه ځوان د خپلې خور په ګډون دوه کسان وژلي

Feb 26, 2018 - 13:11

ايبک (پژواک، ٧ کب ٩٦): د سمنګان ولايت ځايي سرچينې وايي چې په دغه ولايت کې يوه ځوان خپله خور او يو بل کس د نا مشروع اړيکو د لرلو په تور د تبر په ګوزار وژلي دي.

د سمنګان د مرکز ايبک ښار اوسېدونکي صفت الله چې د وژل شوې نجلۍ بل ورور دى، وويل، دى او ورور يې تېره شپه په کور کې نه وو، خو کله چې د شپې ١١ بجې د دوى ورور (نصرت الله) کور ته راغى، پام يې شو چې د خور (٢٧ کلنه شکيبا) د خونې وره کې يې يو جوړ نا اشنا بوټونه ایښي دي.

هغه وويل: ((کله مې چې ورور د خور د کوټې ور خلاصوي، ګوري چې هغه له يوه نامحرم نارينه سره ويده ده، ورور مې د دغه وضعيت له ليدو وروسته احساساتي کېږي، د کور له انګړ نه تبر را اخلي، کوټې ته ورځي او هغه پردى وګړى وژني، وروسته د دويم سمت د پوليسو امر ته زنګ وهي او ځان پوليسو ته سپاري.))

د سمنګان د امنيې قوماندانۍ له جنايي جرمونو سره د مبارزې مدير سمونوال اسلام الدين خرمي د پېښې د پخلي تر څنګ وويل، پوليسو ته تسليم شوي کس پر خپل جرم اعتراف کړى او ويلي يې دي چې دغه نارينه او خور يې د نا مشروع اړيکو په تور وژلي دي.

نوموړي زياته کړه، له وژل شوي کس څخه ترلاسه شوي اسناد څرګندوي چې دغه کس ٥٢ کاله عمر لري او د جوزجان ولايت د فيض اباد ولسوالۍ اوسېدونکى دى، خو د قضيې د لا روښانتيا لپاره څېړنې روانې دي.

نښه: 

ورته راپورونه:

نظر ورکړئ

اعلانونه

Advertisement