کابل (پژواک، ۹ کب ۹۶): د کابل ولايت د بګراميو ولسوالۍ په اړوند سيمه کې د وسله والو غلو او پوليسو تر منځ نښته کې څلور حرفوي غله نيول شوي او يو ملکي وګړی ټپي دی.
د کابل ښار د ۱۰۱اسمايي زون قوماندانۍ وياند بصير مجاهد ياده موضوع تاييد کړه او پژواک خبري اژانس ته يې وويل چې ياد څلور غله نن سهار د بګراميو ولسوالۍ په ميرويس ښارګوټي کې نيول شوي دي.
د مجاهد په وينا، د حرفوي غلو دغې ډلې له څه مودې را په دېخوا د پوځي جامو په کارولو سره د کابل ښار په بېلابېلو سيمو کې د خلکو کورونو په لوټلو کې لاس درلود چې له نېکه مرغه نن پوليس وتوانېدل چې د خلکو په همکارۍ سره دغه کسان ونيسي.
مجاهد زياته کړه چې په دې نښته کې يو ملکي کس ټپي شوی چې روغتيايي وضعيت يې د ډاډ وړ دی.
د نوموړي په وينا، نيول شوي کسان د پوليسو تر څارنې لاندې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن