تالقان (پژواک،١١ کب ٩٦): د تخار چارواکي وايي چې ددغه ولايت په کلفګان ولسوالۍ کې د ترافيکي پېښې له امله ٢١تنه ټپيان شوي چې د پنځو تنو روغتيايي حالت نازک دى .
د تخار د والي وياند سنت الله تېمور د کب په ١١مه پژواک اژانس ته وويل چې دغه پېښه نن سهار اووه نيمې بجې د تخار د کلفګان ولسوالۍ د کوترمه په سيمه کې رامنځته شوې ده .
هغه زياته کړه، يو ٤٠٤ډوله مسافر وړونکى موټر چې له کابل څخه د بدخشان پر لور روان و د کلفګان په کوترمه سيمه کې له سړک څخه اوښتى او په ترڅ کې يې د ښځو او ماشومانو په ګډون ٢١تنه ټپيان شوي دي
د والي وياند وويل چې ددغې پېښې ټپيان څه د بدخشان ولايت کشم ولسوالۍ روغتيايي مرکز او يوشمېر نور د کلفګان روغتيايي مرکز ته لېږدول شوي چې د پنځو تنو روغتيايي حالت نازک ښودل شوى دى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن