د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بدخشان کې پنځه زره ماشومان د واکسين له تطبيقه پاتې کېږي

بدخشان کې پنځه زره ماشومان د واکسين له تطبيقه پاتې کېږي

Mar 12, 2018 - 18:58

فيض اباد(پژواک،۲۱کب۹۶): په بدخشان کې د روغتيا د نړيوال سازمان مسوول، د پوليو واکسين له تطبيق څخه د پنځه زره ماشومانو د پاتې کېدو په اړه اندېښنه څرګنده کړه.

په بدخشان کې د WHOسازمان مسوول، اسدالله نعيمي چې د پوليو واکسين د پسرلني کمپاين د لومړي پړاو د پيل په مراسمو کې يې خبرې کولې وويل چې دغه کمپاين به د بدخشان په ۱۹ولسواليو کې درې ورځې دوام وکړي.

هغه اندېښنه په ډاګه کړه چې له ۲۰۱۶ کال څخه تر اوسه پورې د بدخشان په راغستان او کوهستان ولسواليو په شپږو برخو کې د طالبانو د مخالفتونو له امله ۵۰۰۰ماشومان د پوليو واکسين له طبيق څخه پاتې شوي دي.

نعيمي د خپلو خبرو په دوام کې وويل چې په ۲۰۱۷ کال کې په وردج ولسوالۍ کې د طالبانو د مخالفت له امله کابو ۶۰۰۰ماشومان د پوليو واکسين له تطبيق څخه پاتې شوي وو چې له نيکه مرغه نن په ياده شوې ولسوالۍ کې د WHOټيم، د بدخشان د عامې روغتيا رياست او ولايت د مقام د هڅو له امله له ۶۰۰۰ډېرو ماشومانو لپاره د پوليو واکسين د تطبيق کمپاين پيل شو.

نوموړي په ورته وخت کې اندېښنه څرګنده کړه چې د بدخشان په راغستان او کوهستان ولسواليو کې لا هم ستونزې پر خپل ځای دي او له ۲۰۱۶ کال څخه تر اوسه پورې په دغو دوو ولسواليو کې ۵زره ماشومان د پوليو واکسين له تطبيق څخه پاتې شوي دي.

د سرچينې د معلوماتو له مخې، هغه کډوال چې پر پوليو ويروس ککړو سيمو څخه نورو سيمو ته ځي، د پوليو پر ناروغۍ د هغو ماشومانو د اخته کېدو لامل ګرځي چې واکسين يې نه دی کړی.

هغه زياته کړه، که څه هم چې تر اوسه په بدخشان کې د پوليو کومه پېښه نه ده لېدل شوې، خو بيا هم له پاکستان څخه خپلو سيمو ته د کډوالو ستنېدل، د پوليو ناروغۍ د خورېدو شونتيا ډېروي.

د  WHOسازمان مسوول وايي، هڅه به وکړي چې د ولايت مقام، ديني عالمانو او ځايي سپين ږيرو له لارې، د بدخشان ولايت په راغستان او کوهستان ولسواليو کې مېشت طالبان وهڅوي چې سيمې ته د عامې روغتيا وزارت رياست د رضاکارانو او سيارو ټيمونو ورتګ ته اجازه ورکړي څو د سيمې ماشومانو ته د پوليو واکسين تطبيق کړي.

په ورته وخت کې، د عامې روغتيا وزارت د کتلوي معافيت امر ډاکټر سيد فاروق نصر وويل چې د پوليو واکسين د پسرلي د لومړي پړاو په پيلېدو سره به د بدخشان په ۱۹ګرمسيرو ولسواليو کې دوه سوه او لس زره ماشومان د پوليو له واکسين څخه برخمن شي.

نوموړي زياته کړه چې له ۵کلونو د کم عمر کابو ۱۷۰زره ماشومانو ته د ړند والي او ويټامينونو د کموالي د مخنيوي لپاره د ويټامين Aټابليټ ورکول کېږي.

ورته راپورونه:

نظر ورکړئ

اعلانونه

Advertisement