تخار کې یوې معیوبې هوسۍ ته مصنوعي پښه جوړ شوه

تالقان (پژواک، ٢٣ کب ٩٦): په تخار کې د سويډن کمېټې د بدن مصنوعي غړو جوړولو څانګې نن يوې هوسۍ ته مصنوعي پښه جوړه کړه.

د دې موسسې د عامه اړيکو مسوول قدرت الله عطایي د کب په ٢٣مه پژواک خبري اژانس ته وویل چې دغه هوسۍ له کندوز ولایته راوړل شوې ده.

نوموړي وویل چې یادې هوسۍ د کندوز په قلعه ذال ولسوالۍ د ښکار پر مهال خپله پښه له لاسه ورکړې وه.

دی وایي دغه هوسۍ د کندوز ولایت د یوه اوسېدونکي له لوري د مصنوعي پښې د جوړولو لپاره تخار ته وړل شوې وه.

د تخار د چاپېریال ساتنې رییس سید ناصر محجوب پژواک ته وويل، تر اوسه معلومه نه ده چې دغه هوسې په کور کې ساتل کېږي او که بېرته دښته کې خوشې کېږي.

سره له دې چې حکومت د دې ډول حيواناتو ښکار منع اعلان کړى خو بيا هم ځيني خلک يې په پټه ښکار کوي.

 

login or register a new account.