د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

عبدالله: د چابهار بندر د فعالولو لپاره دې اړونده هېوادونه عملي ګامونه چټک کړي

عبدالله: د چابهار بندر د فعالولو لپاره دې اړونده هېوادونه عملي ګامونه چټک کړي

Mar 18, 2018 - 19:00

کابل (پژواک، ٢٧ کب ٩٦): اجرائيه رئيس وايي چې د چابهار بندر د فعالولو لپاره دې اړونده هېوادونه عملي ګامونه چټک کړي.

اجرائيه رئيس ډاکټر عبدالله عبدالله، نن د افغانستان د ستراتيژیکو مطالعاتو مرکز له لوري د چابهار بندر په اړه د شوې تازه څېړنې په پرانيستغونډه کې ګډون وکړ او دغه تحقیق یې ارزښتمن وباله.

د هېواد اجرائيه رئیس غونډې ته په خپله وینا کې وویل، چې چابهار د افغانستان، ایران او هند د خلکو لپاره یوه اغېزمنه پروژه ده، چې دغو هېوادونو یې له پخوا څخه د عملي کېدو هیله درلوده.

نوموړي زیاته کړه، سره له دې افغانستان د تاریخ په اوږدو کې د سیمې له هېوادونو سره د سوداګریزو او فرهنګي هغو په ګډون مبادلات درلودل؛ له نېکه مرغه چې په اوسني پېر کې هم د دغو مبادلاتو اړتیا ډېره او زمینه یې پراخه شوې ده.

ده وویل، چې د چابهار بندر په فعالولو سره به د درېیو واړو هېوادونو د خلکو په ژوند او سوداګرۍ کې اساسي بدلون راشي او په دې برخه کې د درې واړو هېوادونو عملي اقدامات د راتلونکي لپاره هیله مندي ډېروي.

د هغه په وينا، دوی هیله لري چې پاکستان په ټرانزیټي، اقتصادي او سوداګریزه برخه کې ستونزې رفع او د ګډو ګټو پر اساس اقدامات غوره کړي.

د هغه په وینا، افغانستان تل هڅه کړې چې د سوداګرۍ او ټرانزیټ پر وړاندې ستونزې راکمې، خنډونه له منځه یوسي، سهولتونه ایجاد کړي؛ خو له بده مرغه په پاکستان کې د خنډونو او ستونزو له رامنځته کېدو افغان سوداګري، صنعت او په افغانستان کې رامنځته شويو تولیداتو زیان لیدلی دی.

اجرائيه رئیس وویل، د ملي یووالي حکومت د کورنیو تولیداتو او صنعت د ودې لپاره هڅې کړې او کوښښ کوي چې په هېواد کې بهرنیو پانګوالو ته د پانګوالۍ زمینه برابره کړي؛ خو په دې برخه کې شوې هڅې کافي نه دي.

هغه نیوکه وکړه چې په تېرو حکومتونو کې د کورنیو تولیداتو او صنعت وده او په هېواد کې د بهرنیو پانګوالو راجلب کولو یا د حکومت د پاملرنې په محراق کې قرار نه درلود او یا دا چې لومړیتوبونه یې نور وو.

اجرائيه رئیس په سترو سیمه ییزو اقتصادي پروژو د ټینګار ترڅنګ وویل، له نېکه مرغه چې د ټاپي، کاسا زر، له رېل پټلۍ سره د افغانستان د وصل کېدو او نورو سیمه ییزو پروژو څخه دا پایله ترلاسه کېږي چې سیمه د سیمې هېوادونه لا ډېر پېیلي او سره نږدې وي.

عبدالله زیاته کړه، چې د افغانستان د ستراتېژیکو مطالعاتو د مرکز له لوري د شوې څېړنې د وړاندیزونو د عملي کولو او هم د چابهار پروژې د عملي کولو لپاره د حکومت پاملرنه ډېره ده او له نورو هم د هغو د عملي کولو غوښتنه لري.

په دې ناسته کې په کابل کې د ایران او هند سفیرانو هم خبرې وکړې او د چابهار پروژه یې یوه برخلیک ټاکونکې پروژه وبلله چې په وینایې د خلکو په ژوند مستقیم اغېز لري.

په کابل کې د ایران سفیر وویل، چې د چابهار پروژه د هېڅ بلې پروژې د رقابت او یا ورسره د تقابل لپاره نه ده پيل شوې، بلکې موخه یې د افغانستان، هند او ایران ترمنځ د همکاریو زیاتوالی دی.

د افغانستان د ستراتېژیکو مطالعات د مرکز مسوولانو وویل، چې دغه نوې څېړنه د افغان، هندي او ایراني لیکوالو او څېړونکو له لورې شوي چې درې واړو هېوادونو ته مشخص وړاندیزونه لري چې په عملي کولو سره به یې یاده پروژه بریالی شي.

ورته راپورونه:

نظر ورکړئ

اعلانونه

Advertisement