ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

هلمند کې ځینو پولیسو ته مرګ ژوبله اوښتې

هلمند کې ځینو پولیسو ته مرګ ژوبله اوښتې

author avatar
18 Mar 2018 - 15:05
هلمند کې ځینو پولیسو ته مرګ ژوبله اوښتې
author avatar
18 Mar 2018 - 15:05

لښکرګاه (پژواک، ۲۷ کب ۹۶): د هلمند په ناوې ولسوالۍ کې د وسله والو طالبانو د بريد له امله يو پوليس وژل شوى او نهه نور ټپيان دي.

په هلمند کې يوې باوري امنيتي سرچينې د کب په ٢٧مه پژواک خبري اژانس ته وويل چې تېره شپه وسله والو طالبانو د ترخه ناور په سيمه کې د پوليسو پر دوو پوستو بريدونه کړي دي.

هغه وويل چې په دغه بريد کې يو پوليس وژل شوى او نهه نور پوليس ټپيان دي.

سرچينه وايي چې طالبانو ډېر لوى بريد پلان کړى و خو د افغان ځواکونو د مقاومت له امله يې بريد پر شا تمبول شوى دى.

په دې اړه د هلمند د والي وياند عمر ځواک پژواک ته وويل چې د ترخه ناور په جګړه کې يو پوليس وژل شوى او پنځه نور ټپيان دي.

ده وويل چې د افغان ځواکونو په ځوابي ډزو کې اتو طالبانو ته هم مرګ ژوبله اوښتې ده.

خو په لښکرګاه ښار کې د ايمرجنسي روغتون يوې سرچينې پژواک ته وويل چې تېره شپه دوى ته د يو وژل شوي پوليس تر څنګ ١٥ ټپي سرتېري ور وړل شوي دي.

وسله وال طالبان هم دغه جګړه تاييدوي.

د دې ډلې وياند قاري يوسف احمدي په خپله ټويټرپاڼه کې ليکلي چې تېره شپه طالبانو د هلمند په تريخ ناور او خذرو سيمو کې د پوليسو پر پوستو بريدونه کړي دي.

هغه وايي چې په دغو بريدونو کې ٢٧ امنيتي سرتېرو ته مرګ ژوبله اوښتې ده.

د يادونې ده، هلمند د افغانستان تر ټولو نا امن ولايت دى چې دا مهال يې د شپږو ولسواليو بشپړ کنټرول له وسله والو طالبانو سره دى.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.