د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"په ۱۳۹۶ کال کې پولیسو ٢٧زره مجرمین نیولي او ۱۴زره مخالفین یې وژلي"

"په ۱۳۹۶ کال کې پولیسو ٢٧زره مجرمین نیولي او ۱۴زره مخالفین یې وژلي"

Mar 20, 2018 - 17:06

کابل (پژواک، ۲۹ کب ۹۶): د کورنيو چارو وزارت وايي، پوليسو ۱۳۹۶ کال د وسله والو مخالفينو، نشه يي توکو قاچاقچيانو او جنايي مجرمينو په ګډون ٢٧ زره کسان نيولي او نږدې ١٤زره مخالفين يې وژلي دي.

د کورنيو چارو وزارت وياند نجيب دانش نن په کابل کې خبريالانو ته وويل چې پوليسو په روان ۱۳۹۶ کال کې په خپلواکو او له نورو ځواکونو سره په ګډه یې ۵۵۰۰ عمليات ترسره کړي دي.

دى وايي چې په دغو عملياتو کې ۱۳۶۰۰ وسله وال مخالفين وژل شوي، ۵۹۰۰ ټپيان او ۲۱۰۰ نور ژوندي نيول شوي دي.

د ده په وينا، پوليسو د دې علمياتو پر مهال۴۲۰۰ ماينونه کشف کړي، ۱۸۰۰ميله بېلابېل ډول وسلې، ۱۳۱ موټر، ۱۷۲ مخابرې او يوه اندازه مهمات ترلاسه کړي دي.

دغه راز هغه وويل چې پوليسو په دې موده کې د نهو ځانمرګو بريدونه مخنيوی کړى دی.

دانش وايي، روان کال په ټول هېواد کې د ۱۵۵۰۰ جنايي پېښو په تړاو ۲۲زره کسان نيول شوي او درې زره نورې جنايي پېښې تر څېړنو لاندې دي.

ده زياته کړه چې له يادو ١٥٥٠٠ پېښو څخه ۳۱۰۰ په کابل کې وې.

هغه وويل، د کورنيو چارو د تفتيش رياست په دې موده کې د فساد ۱۳۲ قضيو په تړاو د دغه وزارت ۱۷۰ تنه نيولي او څارنوالۍ ته يې معرفي کړي دي.

دانش وايي: "په دې کسانو کې څلور جنرالان، ۹۸ افسران، ۵۲ ساتنمنان او پاتې يې ملکي کارکوونکي دي."

دی زياتوي، په دې موده کې پوليسو د څه باندې ۲۷۰۰ عملياتو پر مهال ۳۰۰ ټنه نشه يي توکي او په تړاو يې نږدې ۳۱۰۰ تنه نيولي دي.

دي وايي په نيول شوو کسانو کې ۷۲ د عامه خدماتو کار کوونکي، ۵۰ مېرمنې او اته بهرنيان شامل دي.

د کورنيو چارو وزارت وياند وايي، پوليسو په دې موده کې د نشه يي توکو د پروسس ۵۰ لابراتوارونه او ۱۲ د نشه يي توکو زېرمې تخريب کړي، ۲۱۷ ميله وسلې او ۴۷۸ موټر يې نيولي دي.

ورته راپورونه:

نظر ورکړئ

اعلانونه

Advertisement