د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بدخشان کې يوه ځوانه نجلۍ پر ډزو وژل شوې

په بدخشان کې يوه ځوانه نجلۍ پر ډزو وژل شوې

Mar 25, 2018 - 16:37

فيض اباد(پژواک، ٥ ورى ٩٧): د بدخشان ولايت ځايي سرچينې وايي چې ددغه ولايت په ارغنجخواه ولسوالۍ کې يوه ٢٦کلنه نجلۍ د يوه ځايي طالب قوماندان له لوري پر ډزو وژل شوې ده.

د بدخشان امنيې قوماندانۍ وياند ثناءالله روحاني وويل چې پېښه تېره شپه د ارغنجخواه ولسوالۍ په حوران شهر کلي کې رامنځته شوې ده.

نوموړي زياته کړه چې وژل شوې نجلۍ قربان بي بي نومېده او کورنۍ يې د ملا يعقوب په نوم يوه طالب قوماندان ته کوژده کړې وه، خو نجلۍ له دې کوژدې سره مخالفت وکړ چې له امله يې ملا يعقوب تېره شپه لس بجې دغه نجلۍ له کوره اېستلې او د طالبانو تر حاکميت لاندې سيمه کې يې پر ډزو وژلې ده.

د ارغنجخواه ولسوال رستم راغي وويل چې د دې ولسوالۍ په حوران شهر او ځينو نورو لرې پرتو سيمو کې چې له نا امنو ولسواليو سره تړلې، اکثره طالبان د شپې له خوا سيمې ته را ښکته کېږي او د ملکي وګړو د ځورنې لامل ګرځي.

نوموړي زياته کړه چې دغه نجلۍ هم تېره شپه د طالب ډلمشر ملا يعقوب له لوري پر ډزو وژل شوې ده.

خو طالبانو تر اوسه پورې په دې اړه څه نه دي ويلي.

د ځايي سرچينو په خبره، په ١٣٩٦لمريز کال کې د بدخشان په بېلابېلو ولسواليو کې ١٣ ښځې وژل شوې چې له دې ډلې يې اته قتلونه د دولت او پاتې د طالبانو د حاکميت ساحه کې رامنځته شوي دي.

ورته راپورونه:

نظر ورکړئ

اعلانونه

Advertisement