د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سمنګان کې د ترافيکي پېښو له امله دوه کسان مړه او ۷ نور ټپيان شوي

پېښې

ارشيف

سمنګان کې د ترافيکي پېښو له امله دوه کسان مړه او ۷ نور ټپيان شوي

Mar 26, 2018 - 14:28

ايبک (پژواک، ۶ وری ۹۷): د سمنګان په مرکز کې د ترافيکي پېښو له امله دوه کسان مړه شوي او اووه نور ټپيان دي.

د سمنګان د ترافيکي پېښو امر سمونمل عبدالرازق پژواک خبري اژانس ته وويل چې نن سهار شپږ بجې د دغه ولايت د مرکز ايبک په لرغان سيمه کې يوه موټر، يوه ۱۴ کلنه نجلۍ وهلې او تښتېدلی دی.

د نوموړي په وينا، ياده نجلۍ چې د همدې سيمې اوسېدونکې ده، مړه شوې او پوليس تر اوسه د موټر چلوونکي پر نيول کېدو نه دي بريالي شوي.

نوموړي دغه راز وويل چې تېره شپه شاوخوا اته بجې د ايبک په حسن خېل سيمه کې دوو کرولا موټرو ټکر کړی.

هغه زیاته کړه چې په دې پېښه کې يو کس وژل شوی او ۷ نور ټپيان دي.

د عبدالرازق په خبره، په پېښه کې مړ شوی کس د ايبک ښار او ټپيان د بلخ، بغلان او سمنګان ولايتونو اوسېدونکي دي.

د دوو مړه شوو جسدونه او ۷ ټپيان د سمنګان ملکي روغتون ته وړل شوي دي.

د دغه روغتون د بېړنۍ څانګې نوکريوال ډاکتر عليرضا وويل چې د دوو ټپيانو وضعيت نازک دی او د بلخ حوزوي روغتون ته استول شوي او پاتې نور په همدغه روغتون کې تر درملنې لاندې دي.

دا په داسې حال کې ده چې پنځه ورځې وړاندې هم د ياد ولايت په مرکز کې د دوو ترافيکو پېښو له امله شپږ کسان مړه او څلور نور ټپيان وو.

ورته راپورونه:

نظر ورکړئ

اعلانونه

Advertisement