د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په سمنګان کې يوه کس خپل دوه کلن زوی وژلی او مېرمن يې ټپي کړې ده

په سمنګان کې يوه کس خپل دوه کلن زوی وژلی او مېرمن يې ټپي کړې ده

Mar 29, 2018 - 12:11

ايبک (پژواک، ۹ وری ۹۷): د سمنګان ولايت په مرکز ايبک کې تېره شپه يوه ۳۲ کلن سړي د ښکاري ټوپ پر ډز خپل دوه کلن زوی وژلی او مېرمن يې ټپي کړې ده.

د سمنګانو امنيې قوماندانۍ مطبوعاتي مسوول منير رحيمي پژواک خبري اژانس ته وويل چې ۳۲ کلن کمال الدين د دغه ولايت د مرکز ايبک ښار د ميرکلا په کلي اوسېږي له خپلې مېرمنې سره د اختلاف له امله یې دغه کار کړی دی.

د نوموړي په خبره، کمال الدين يې له خپلې مېرمنې سره د اختلاف له امله احساساتي شوی او پر مېرمن يې د چره ييز ټوپک ډز کړی چې په پايله کې د نوموړي دوه کلن زوی وژل شوی او مېرمن يې ټپي ده.

هغه وويل چې کمال خان د پوليسو له خوا نيول شوی او په لومړنيو پلټنو کې يې پر خپل جرم اعتراف کړی.

د ايبک ولايتي روغتون د بېړنۍ برخې نوکريوال ډاکتر محمد وسيم زرين وايي چې ياده مېرمن په دغه روغتون کې تر درملنې لاندې ده او روغتيايي وضعيت يې د اندېښنې وړ نه دی.

د معلوماتو له مخې، کماالدين د دغه ولايت د دره صوف پايين د بغک کلي اصلي اوسېدونکی دی او شاوخوا دوه کاله وړاندې د نا امنۍ له امله له خپلې کورنۍ سره له بغک کلي څخه ميرکلال ته کډه کړې او هلته اوسېږي.

نښه: 

ورته راپورونه:

نظر ورکړئ

اعلانونه

Advertisement