د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پاکستاني ځواکونو د کونړ په دانګام کې بمبار کړى

پاکستاني ځواکونو د کونړ په دانګام کې بمبار کړى

Apr 04, 2018 - 17:01

 

اسعد اباد (پژواک، ١٥ ورى ٩٧): پاکستاني ځواکونو د کونړ ولايت پر دانګام ولسوالۍ هوايي بريدونه کړي، خو تر اوسه ترې د مرګ ژوبلې راپور نه دى ورکړل شوى.

د کونړ د والي وياند عبدالغني مصمم د ورى په ١٥مه پژواک خبري اژانس ته وويل چې پاکستانۍ چورلکو نن  له غرمې مخکې شاوخوا لس نيمې بجې د ډيورنډ له پولې را اوښتي او په دانګام ولسوالۍ کې يې هوايي بريدونه کړي دي.

خو هغه زياته کړه چې له نېکه مرغه په دغو بريدونو کې چا ته مرګ ژوبله نه ده اوښتې.

د والي وياند دغه راز وويل چې پاکستاني ځواکونو له پرون راهيسې پر دغه ولايت ٣٦٣ نور توغندي توغولي چې له امله يې خلکو درانه مالي زيانونه اوښتي دي.

د هغه په وينا، په روانه اوونۍ کې د پاکستاني ځواکونو پر کونړ ولايت شاوخوا ١٠٠٠ توغندي توغول شوي چې له امله يې ٧ ملکي وګړي ټپيان او د خلکو فصلونه ويجاړ شوي دي.

د پاکستاني ځواکونو له خوا په داسې حال کې پر کونړ هوايي بريدونو شوي چې د پاکستان د ملي امنيت سلاکار جنجوعه نن په اسلام اباد کې يو کنفرانس ته ويلي چې دوى د افغانستان خپلواکۍ او ارضي تماميت ته درناوى لري.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan