د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په غور کې پر ۹۰۰ کورنيو د لمريزې برېښنا وسايل ووېشل شول

په غور کې پر ۹۰۰ کورنيو د لمريزې برېښنا وسايل ووېشل شول

Apr 14, 2018 - 19:05

فيروزکوه (پژواک،۲۵وری۹۷): د کډوالو او بېرته راستنېدونکو چارو وزارت په غور کې ۹۰۰ کډوالو کورنيو ته د لمريزې برېښنا د توليد او زېرمه کولو وسايل ورکړي دي.

د غور د کډوالو او راستنېدونکو چارو مشر عبدالرووف غفوري نن د يادو شويو وسايلو د وېشلو پرمهال وويل چې دغه امکانات د دغه ولايت د کډوالو ښارګوټي استوګنو کورنيو ته برابر شوي دي.

د نوموړي په وينا، دغه وسايل چې د ۸۰واټه برېښنا د توليد وړتيا لري، اووه ساعته برېښنا زېرمه کوي.

نوموړي زياته کړه چې دغه وسايل د کډوالو او راستنېدونکو چارو وزارت له پراختيايي بوديجې څخه د ۱۴.۹ميليون افغانيو په ارزښت برابر شوي دي.

نوموړي دغه راز وويل چې دغه ښارګوټی روغتيايي خدمتونه، د څښاک اوبه او واټونه نه لري.

د ياد شوي ښارګوټي اوسېدونکو د کډوالو او راستنېدونکو چارو وزارت له خوا د خپلو کورونو د رڼا کېدو امکاناتو برابرېدو څخه هرکلی وکړ او له نورو ادارو څخه يې وغوښتل چې د دوی نورې ستونزې حل کړي.

د غور کډوالو ښارګوټي اوسېدونکو لپاره د سولر برېښنا په داسې حال کې ورکول کېږي چې د دغه ولايت خلک تر اوسه په هرو ۲۴ساعتونو کې يواځې ۳ساعته د ډيزلي جنراتور برېښنا کاروي چې هر کيلوواټ يې په ۶۰ افغانۍ تمامېږي.

ورته راپورونه:

نظر ورکړئ

اعلانونه

Advertisement