د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د برېښنا رياست: په څو راتلونکو ورځو کې به د کابل ښار د برېښنا بهير عادي شي

د برېښنا رياست: په څو راتلونکو ورځو کې به د کابل ښار د برېښنا بهير عادي شي

Apr 17, 2018 - 20:11

کابل(پژواک،۲۸وری۹۷): د برېښنا رياست وايي چې په بغلان ولايت کې د برېښنا د پرې شويو مزيو د رغولو د کار ددوام له امله د کابل ښار د برېښنا بهير کې يو لړ پرچاوۍ دوام لري او هڅه کېږي چې تخنيکي عوارض ډېر ژر حل او د کابل ښار د برېښنا بهير عادي شي.

وسله والو طالبانو، څلور ورځې وړاندې د بغلان ولايت دوشي ولسولاۍ په دهن لرخاب سيمه کې کابل ته د ازبکستان وارداتي برېښنا پايه والوځوله، چې له امله يې د کابل ښار ډېری سيمې له برېښنا څخه بې برخې شوې.

طالبانو له دې وړاندې حکومت ته خبر داری ورکړی و چې که سنګ سوراخ، کره ډاګه، علي خيل، زهرابي او کمر سيمو ته برېښنا ور نه کړی شي، د کابل برېښنا به پرې کړي.

خو د بغلان ولايت د برېښنا رياست چارواکو دوې ورځې وړاندې ويلي و چې د قومي مشرانو په منځګړيتوب له وسله والو طالبانو سره موافقې ته رسېدلي او ډېر ژر به د کابل د برېښنا پرې شوی بهير بيا رغول پيل شي.

د برېښنا رياست وياند وحيد الله توحيدي نن "د وري ۲۸مه " پژواک خبري اژانس ته وويل چې له وسله والو طالبانو سره تر موافقې وروسته پرون ددغه رياست کار کوونکي سيمې ته رسېدلي او له ازبکستان څخه د وارداتي برېښنا بهير يې د لنډمهال له پاره نښلولی دی.

توحيدي وويل چې د پرې شويو مزيو د جوړېدو کار روان دی او د کابل ښار برېښنا به په لنډمهاله توګه ونښلول شي.

نوموړي زياته کړه چې اوسمهال د کابل ښار اوسېدوونکو، دولتي ادارو، روغتونونو او سفارتونو ته هره ورځ ۹۵ميګاو اټه اوبيزه او حرارتي بېرېښنا ورکول کېږي.

دا په داسې حال کې ده چې د تېرو درې کلونو په اوږدو کې دا دريم ځل دی چې وسله وال طالبان د بغلان ولايت اړوندو سيمو کې د کابل برېښنا مزي پرې کوي.

ورته راپورونه:

نظر ورکړئ

اعلانونه

Advertisement