د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې د داعش ډلې د امر بالمعروف مسوول نيول شوی

ننګرهار کې د داعش ډلې د امر بالمعروف مسوول نيول شوی

Apr 17, 2018 - 14:44

جلال اباد (پژواک، ۲۸ وری ۹۷): د ننګرهار امنيتي چارواکي وايي، په هسکې مېنې ولسوالۍ کې يې د داعش ډلې د امر باالمعروف او نهی عن المنکر مسوول له دوو نورو کسانو سره نيول شوی دی.

دوی وايي، ياد کس د هسکې مېنې ولسوالۍ اړوند د داعش ډلې مرکزونو ته پر لاره و چې د پوليسو له لوري ونيول شو.

د ننګرهار د امنيې قوماندانۍ مطبوعاتي مسوول حضرت حسين مشرقيوال د ور په ۲۸مه پژواک اژانس ته وويل، د هسکې مېنې ولسوالۍ پوليسو د ياغي بند په سيمه کې د تلاشۍ پر مهال د داعش ډلې د امر بالمعروف او نهی عن المنکر مسوول نيولی دی.

هغه زياته کړه، نيول شوي کس د ښځو جامې او څادري اغوستې وه او نيول شوو نورو دوو کسانو يې يوازې د لېږد دنده پر غاړه درلوده.

د نوموړي د معلوماتو له مخې، نيول شوی شخص منور نومېږي، په حذيفه باندې مشهور دی او اصلاً د لغمان د الينګار ولسوالۍ اوسېدونکی دی.

د مشرقيوال په وينا، د داعش ډلې ياد مسوول او ورسره نيول شوي دوه نور کسان اوس له پوليسو سره په بند کې دي او پوښتنې ګروېږنې ترې روانې دي.

د يو بل خبر له مخې، د ملي امنيت ځواکونو د ننګرهار د مرکز جلال اباد ښار شپږمې ناحيې اړوند مولوي خالص فاميليو سيمه کې د حبيب جان په نوم د پاکستان هېواد له لوري روزل شوی وسله وال طالب نيولی دی.

د ننګرهار ولايت د رسنيو دفتر له لوري پژواک ته په رالېږل شوې خبرپاڼه کې راغلي چې نوموړی د لوګر د ازرې ولسوالۍ اوسېدونکی دی او اوسمهال د ننګرهار په سره رود ولسوالۍ کې اوسېده.

په خبرپاڼه کې د حبيب جان له قوله ويل شوي چې د وسله والو طالبانو قوماندان قاري داوود تر مشرۍ لاندې يې پخوا په لوګر او اوس په ننګرهار کې فعاليت درلود.

نوموړي زياته کړې چې په پاکستان کې ورته د تخريبي کړنو په موخه ټريننګ ورکړل شوی او ورته ويل شوي چې په افغانستان کې جهاد روا دی.

دى وايي، پاکستاني ملايانو ورته د راکټي تخلص کېښود او له هغه وروسته به يې په افغانستان کې راکټ په اوږه ګرځاوه.

هغه ويلي: ((موږ سره د جګړې پر مهال به پنجابيان يو ځای و او د هغوی په خوښه به مو ځايونه په راکټ په نښه کول.))

تر اوسه داعش او طالب وسله والو د خپلو دغو کسانو د نيول کېدو په تړاو رسنيو ته څه نه دي ويلي.

ورته راپورونه:

نظر ورکړئ

اعلانونه

Advertisement