ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کرکټ ٢٢ لوبغاړي هند ته وليږل شول

author avatar
20 Apr 2018 - 15:54
author avatar
20 Apr 2018 - 15:54

کابل(پژواک،٣١ورى٩٧): د کرکټ ملي لوبډلې ته د غوراوۍ په موخه ٢٢ لوبغاړي هندوستان ته وليږل شول.

د کرکټ بورډ د لوبغاړو د غوراوۍ کميټې مشر نوروز منګل نن د وري په ٣١مه کابل کې خبريالانو ته وويل، په پام کې ده چې ٤٣ لوبغاړي په دريو مرحلو کې د اروزنې په موخه هند ته واستول شي.

هغه وايي: (( په دې دور کې مو ٢٢ لوبغاړي واستول، دغه لوبغاړي دوه اونۍ هلته پاتې کيږي، د بهرنيو روزونکو لخوا اروزول کيږي او بيا د هغو له سپارښتنو سره سم په ملي لوبډله کې جذبيږي.))

منګل څرګنده کړه چې له دې ٤٣ لوبغاړو څخه ١٦ په دويمه او پاتې پنځه يې په دريمه مرحله کې هند ته استول کيږي.

د هغه په وينا کومو لوبغاړو چې په دې ځل کې د روزونکو قناعت حاصل نه کړ، په راتلوونکي کې بيا چانس ورکول کيږي.

د منګل د معلوماتو له مخې دا کوم لوبغاړي چې هند ته استول کيږي ټول په ملي او نورو لوبډلو کې د لوبيدو تجربې هم لري.

نوموړى وايي: (( دا کار ددې لپاره موږ کوو ترڅو نويو لوبغاړو ته په ملي لوبډله کې د لوبيدو چانس ورکړل شي او هم د ٢٠١٩ نړيوال کپ لپاره ښه چمتوالى ولرو.))

منګل وايي چې د ٢٠١٩ نړيوال جام سياليو لپاره په بيلابيلو برخو کې له ٢٠ تر ٢٤ لوبغاړو ته اړتيا ده.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.