د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لویو ملاتړ کوونکو هېوادونو د افغانستان له اقتصادي پروګرامونو خپل ملاتړ اعلان کړ

لویو ملاتړ کوونکو هېوادونو د افغانستان له اقتصادي پروګرامونو خپل ملاتړ اعلان کړ

Apr 22, 2018 - 11:59

 کابل (پژواک، ٢ غويى ٩٧): د افغانستان لویو ملاتړو هېوادونو يو ځل بيا د افغانستان له اقتصادي پروګرامونو او رامنځته شوو اصلاحاتو ملاتړ اعلان کړ.

په واشنګټن کې د افغانستان سفارت له خوا د غويي په ٢مه پژواک خبري اژانس ته په يوه رالېږل شوې خبرپاڼه کې راغلي چې ملاتړو هېوادونو دغه اعلان په هغې غونډه کې وکړې چې د افغانستان د ماليې وزیر اکليل حکيمي په ګډون په سفارت کې جوړه شوې وه.

په دې غونډه کې چې د افغانستان په سفارت کې د افغانستان د لويو ملاتړو هېوادونو او بنسټونو د استازو په ګډون جوړه شوې وه، ګډون وکړ.

سرچينې زياته کړې چې نوموړي په دې غونډه کې د تېرو دوو کلونو پر مهال په مختلفو برخو په ځانګړې ډول په اقتصادي برخه کې د افغانستان د ټولو پرمختګونو او پروګرامونو په اړه په تفصيل جزئيات وړاندې کړل.

اکليل حکيمي په خپلو خبرو کې وويل چې  دوی د بروکسل په غونډه کې د (National Firm Work) په چوکاټ کې خپلې ګڼ شمېر ژمنې پوره کړې او له ډېرو هغو اهدافو اوښتي چې ټاکلي يې وو.

د مالیې وزیر، حکومت جدي اصلاحاتو ته ژمن وباله او ويې ويل، په حکومت کې د مېرمنو او ځوانانو شتون  زياتېدل ورته لومړیتوب لري او په دې برخه کې ډېر کارونه شوي دي.

د حکيمي په وينا، د اصلاحاتو رامنځته کېدو ته درې کلن پروګرام موجود دی او هر څه په منظم ډول پر مخ روان دي.

د ماليې وزير دغه راز د روان زېږديز کال په نومبر مياشت کې د جنيوا کنفرانس ته د افغان حکومت د چمتووالي خبر ورکړ او ويې ويل چې په دغه کنفرانس کې به د افغانستان ټولې هغه لاسته راوړنې لویو ملاتړو هېوادونو ته وړاندې کړي چې په تېرو دوو کلونو کې ترلاسه شوې دي.

اکليل حکيمي د افغانستان په سرحداتو کې د عوایدو راټولېدو د منظمو سیستمونو لګولو لپاره د هڅو خبر هم ورکړ او زياته يې کړه چې په دغه کار سره کولای شي د افغانستان کلني عواید له شپږ ميليارده افغانیو نهو ميلياردو ته لوړ شي.

په دې غونډه کې د نړیوال بانک او USAIDinfo-icon پر استازو سربېره، د برېتانيا، اروپايي ټولنې، سويډن، ډنمارک، استرالیا، کاناډا او یو شمېر نورو هېوادونو او سازمانونو استازو برخه درلوده چې ټولو په تېرو دوو کلونو کې د افغان حکومت لاسته راوړنې وستایلې او د کارونو د لاس ښه والي لپاره یې خپل پیشنهادات یې هم وړاندې کړل.

ورته راپورونه:

نظر ورکړئ

اعلانونه

Advertisement