کابل (پژواک، ٧ غويى ٩٧) : ناپېژاندو وسله والو په شمالي وزيرستان کې د واده پر مراسمو بريد کړى چې له امله يې درې تنه وژل شوي او تر ٣٠ زيات ټپيان دي.
د راپورونو له مخې، دا پېښه تېره شپه د ډيورنډ فرضي کرښې ته څېرمه د شمالي وزيرستان د غلام خان په سيدګۍ سيمه کې رامنځته شوې ده.
شمالي وزيرستان حکومتي مسوولينو ويلي چې ناپېژاندو وسله والو د يوه ځايي اوسېدونکي د واده پر ګډونوالو د لاسي بمونو بريد کړى دى.
سرچينې زياته کړې،په دې پېښه کې درې تنه وژل شوي او تر ٣٠ زيات ټپيان شوي چې د ميرانشاه او بنو روغتونونو ته لېږدول شوي دي.
د راپورونو له مخې، په وژل شوو او ټپيانو کې ښځې او ماشومان هم شامل دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن