د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لاريون کوونکو د اروزګان – کندهار لارې تر څنګ، د ترينکوټ ښار هم وتاړه

لاريون کوونکو د اروزګان – کندهار لارې تر څنګ، د ترينکوټ ښار هم وتاړه

Apr 28, 2018 - 14:23

ترينکوټ ( پژواک، ۸ غويى ۹۷): اروزګان کې سلګونو تنو د لاريون په دوهمه ورځ د ترينکوټ ښار وتاړه او يوځل بيا يې غوښتنه وکړه چې د دغه ولايت او کندهار تر منځ د لويې لارې امنيتي ستونزو ته دې پاملرنه وشي.

دغو لاريون کوونکو د اروزګان – کندهار لويه لار تېره ورځ د ټرافيکو پر مخ تړلې ده.

دوى وايي چې په دې وروستيو کې پر دغه لاره نا امنۍ زياتې شوې او هر وخت مسافر له موټرو تر ښکته کولو وروسته وژل کېږي او يا هم تښتول کېږي.

وسله والو مخالفينو په تېرو څو مياشتو کې د دې لارې لسګونه مسافر له ځان سره بيولي او ځينې يې وژلي هم دي.

اعتراض کوونکي نيوکه کوي چې نه يوازې د دغې لارې په اوږدو کې طالبان راوځي او مسافر له ځان سره وړي، بلکې په ځنيو سيمو کې د دولتي پوستو کسان هم له مسافرو سره ناوړه چلند کوي.

لاريون کوونکو نن د لاريون په دوهمه ورځ د دغه ولايت مرکز ترينکوټ ښار هم تړلى او د لارې څاګي نومي سيمه کې يې اعتراضي غونډه جوړه کړې ده.

هغوى شعار ورکوي او وايي:"نور د لارې پر سر ناامني او بي عزتي نه شو زغملای"

دوی له رسنيو سره په خبرو کې وويل، تر هغه به دا لويه لاره تړلي او ښار به هم بند وي چې پر دغه لاره شته ستونزي له منځه ولاړي شي او د دغې لارې پوليس له دندو ګوښه شي.

له لاريون والو څخه د عبدالمنان په نوم يو تن پژواک ته وويل:" دغه لاريون به تر هغه دوام ولري چې چارواکي  د اروزګانيانو او په ځانګړی توګه د هغو مسافرو امنيت خوندي کړي چې پر دغې لاره تګ راتګ کوي."

منان وايي، له تېرو څو مياشتو راهيسې هره ورځ د لارې په اوږدو کې مسافر له موټرو ښکته کيږي، يا يې طالبان له ځان سره وړي او يا پوليس بېګار پرې کوي.

بل لاريون کوونکى صديق الله هم ورته څرګندونې کوي او وايي چې د لاريون کوونکو شمېر به ورځ تر بلې زيات شي او تر هغه به  خپل دغه مدني خوځښت ته دوام ورکړي چې غوښتنې يې ومنل شي.

د اروزګان د والي مرستيال عبدالواحد پټان وايې، تېره ورځ ېې د اروزګانيانو غوښتني په کابل کې له چارواکيو سره شريکې کړي دي او هڅه به وشي چې د کندهار د ولايتي اداری سره هم شريکي شي.

ډېرې ستونزې د يادې لارې په اوږدو کې د کندهار د شاه وليکوټ ولسوالۍ اړوند سيمو کې رامنځته کېږي.

د کندهار د امنيه قوماندانۍ د وياند مرستيال مطيع الله هلال پژواک خبري اژانس ته ويلي، پلټنې به وکړي او هغو پوليسو ته به سزا ورکړي چې خلک ځوروي.

ورته راپورونه:

نظر ورکړئ

اعلانونه

Advertisement