د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ناټو: څو چې طالبانو د سولې وړاندیز منلی نه وي، جګړه به دوام لري

ناټو: څو چې طالبانو د سولې وړاندیز منلی نه وي، جګړه به دوام لري

Apr 29, 2018 - 16:42

 

بروکسل (پژواک، ٩ غويى ٩٧): په افغانستان کې د ناټو سازمان ملکي استازى وايي چې افغان حکومت د سولې په اړه د خپل مسووليت له مخې طرحه وړاندې کړې، اوس پرېکړه د طالبانو په لاس کې ده.

د ناټو ملکي استازي کورنيليوز زميرمان دغه څرګندونې د بلجيم په پلازمېنه بروکسل کې د ناټو سازمان د بهرنيو چارو وزيرانو د غونډې په څنډه کې د افغان خبريالانو له پلاوي سره د يوې مرکې پر مهال وکړې.

د بهرنيو چارو وزيرانو غونډه د تېرې جمعې په ورځ ترسره شوه، په دې غونډه کې د افغان ملي ځواکونو د دوامداره ملاتړ تر څنګ وسله والو طالبانو ته د افغان ولسمشر د سولې د وړانديز هرکلى وشو.

د ناټو ملکي استازي کورنيليوز زميرمان وويل چې په تېره يوه نيمه لسيزه کې د افغانستان يو له مهمو پرمختګونو او لاسته راوړنو د رسنيو پرمختګ دى.

هغه زياته کړه چې ناټو سازمان له افغانستان سره خپلو دوامداره همکاريو او مرستو ته ژمن دى.

د ناټو ملکي استازي وويل چې د طالبانو له خوا په کابل او نورو سيمو کې له لويو او خونړيو بريدونو سره سره ولسمشر غني هغوى ته د سولې وړانديز وکړ چې يو  مثبت اقدام دى.

زميرمان وويل، ناټو به تر هغه پورې په افغانستان کې وي، څو په دغه هېواد کې دوامداره امنيت تامين نه شي.

هغه زياته کړه چې سازمان يې د افغانستان د حکومت په بلنه په دغه هېواد کې دى  او څو چې د هغوى غوښتنه وي، هلته به وي.

نوموړي له طالبانو سره د سولې په اړه د يوې پوښتنې په ځواب کې وويل چې افغان حکومت له طالبانو سره د سولې خبرې پر مخ وړي او په دې برخه کې يې اجماع هم رامنځته کړې ده.

د هغه په وينا، څو چې طالبان د سولې وړانديز نه وي منلى، په افغانستان کې به جګړه دوام ولري.

زميرمان وويل چې افغان حکومت د سولې وړانديز کړى، اوس پرېکړه د طالبانو په لاس کې ده چې سوله کوي او که جګړه.

خو نوموړي زياته کړه چې افغان ځواکونه اوس پياوړ شوي او خپل دښمن ته د جګړې په ډګر کې ماتې ورکولى شي.

د ناټو ملکي استازي وويل چې سازمان به د افغان ځواکونو روزنې او مالي ملاتړ ته ادامه ورکوي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan