جلال اباد (پژواک ۱۱ غويى ۹۷): چارواکي وايي چې د ننګرهار په کامې ولسوالۍ کې د ماين چاودنې له امله د دغه ولايت د ولايتي شورا د غړي افتخار مومند په ګډون څلور کسان ټپیان شوي او د هغه يو ساتونکی وژل شوی دی.
د یاد ولایت د والي وياند عطاءالله خوږياڼي د غويي په ۱۱مه پژواک ته وويل چې د ماین دغه چاودنه نن سهار نږدې نهه بجې د کامې ولسوالۍ اړوند د ترۍ په سيمه کې شوې ده.
هغه زياته کړه چې په دې پېښه کې افتخار مومند، د هغه دوه ساتونکي او یو ملکي وګړی ټپیان شوي او يو ساتونکى يې وژل شوى دی.
خوږياڼى وايي چې ټپيان روغتون ته لېږدول شوي او روغتیايي حالت یې د ډاډ وړ ښودل شوی دی.
د ننګرهار د عامې روغتيا رياست مطبوعاتي مسوول انعام الله مياخېل وویل چې د یادې پېښې له ځایه يو مړی او درې ټپيان حوزوي روغتون ته انتقال شوي دي.
د چاودنې مسووليت تر اوسه کومې وسله والې ډلې پر غاړه نه دی اخيستی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن