ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د پکتيکا د عامې روغتيا رياست د ودانۍ جوړېدو کار پيل شو

د پکتيکا د عامې روغتيا رياست د ودانۍ جوړېدو کار پيل شو

author avatar
6 May 2018 - 18:29
د پکتيکا د عامې روغتيا رياست د ودانۍ جوړېدو کار پيل شو
author avatar
6 May 2018 - 18:29

ښرنه (پژواک، ١٦ غويى ٩٧): د پکتيکا په مرکز ښرنه کې د عامې روغتیا ریاست لپاره د ۲۸ میلیونو افغانیو په لګښت د نوې ودانۍ د جوړولو د بنسټ ډبره کېښودل شوه.

د پکتیکا والي محمد الیاس وحدت په دې اړه جوړو شويو مراسمو کې وويل چې دا درې پوړيزه ودانۍ د عامې روغتیا وزارت په انکشافي بوديجه جوړیږي چې ټولې اسانتياوې به ولري او د يوه کال په موده کې به جوړه شي.

د هغه په وينا، له دې وړاندې دغه ریاست معیاري ودانۍ نه لرله او په دې برخه کې اداري کارکوونکي له ګڼو ستونزو سره مخامخ وو، خو د دې ودانۍ په جوړېدو سره به یې يادې ستونزې هوارې شي.

د دې ولایت د عامې روغتيا رييس ډاکټر ولي ګل خروټي وويل چې د دې ودانۍ په جوړېدو سره به د دوی په خدماتو کې د پام وړ بدلون راشي او ولسونو ته به ښه خدمات وړاندې کړي.

ده زياته کړه چې د يادې ودانۍ له رغنيزو چارو به وخت په وخت څارنه او نظارت کوي، ترڅو دغه ودانۍ په ښه ډول سره جوړه شي.

قومي مشر سيدالله هم وويل چې د دې ودانۍ په جوړېدو سره به په مرکز ښرنه کې د روغتيايي خدماتو په چټکتيا کې ښېګڼه راشي، خو غوتښتنه يې وکړه چې د يادې ودانۍ د رغولو چارې او نظارت دې په سم ډول تر سره شي.

د یادونې ده چې یوه اوونۍ وړاندې د پکتيکا د شهیدانو او معلولینو چارو ریاست لپاره هم د نوې ودانۍ د جوړولو چارې پيل او د یوه کال په اوږدو کې به ګټې اخیستنې ته وسپارل شي.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.