د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندوز په دشت ارچي کې نهه امنيتي سرتېري وژل شوي

د کندوز په دشت ارچي کې نهه امنيتي سرتېري وژل شوي

May 13, 2018 - 13:43

کندوز ښار (پژواک، ٢٣ غويى ٩٧): د کندوز په دشت ارچي ولسوالۍ کې د طالبانو د بريد له امله نهه امنيتي سرتېري وژل شوي او پنځه نور ټپيان دي.

د دشت ارچي امنيه قوماندان نيازمحمد عمرخېل د غويي په ٢٣مه پژواک خبري اژانس ته وويل چې تېره شپه وسله والو طالبانو د دې ولسوالۍ په مرکز او ځينو نورو سيمو کې پر پوستو بريدونه کړي دي.

هغه وايي: ((په نورو سيمو کې خو مرګ ژوبله نه لرو، خو د اتصالاتو  تپې په پوسته کې د طالبانو د بريد له امله اته د ملي اردو سرتېري او يو سيمه ييز پوليس وژل شوي او پنځه نور د ملي اردو سرتېري ټپيان دي.))

نوموړي په دې جګړه کې د طالبانو د مرګ ژوبلې په اړه څه ونه ويل.

دغه راز په دشت ارچي کې د سيمه ييزو پوليسو يو قوماندان چې غوښتل يې نوم يې وانه خيستل شي پژواک ته وويل چې د تېرې شپې بريد د طالبانو سرې قطعې کړى دى.

دى وايي چې د طالبانو د سرې قطعې له لوري ترې دې وړاندې هم د دشت ارچي په بېلابېلو پوستو کې امنيتي سرتېري وژل شوي دي.

نوموړي زياتوي: ((حکومتي مشران بايد د دشت ارچي په اړه سم تصميم ونيسي؛ ځکه په دې ولسوالۍ وضعيت ډېر خراب دى او نور هم خرابېږي.))

بل لور ته طالبان هم دغه جګړه تاييدوي.

د دې ډلې وياند ذبيح الله مجاهد وايي چې د دشت ارچي د تېرې شپې په بريد کې ١٢ امنيتي سرتېري وژل شوي او دوه نور ټپيان دي.

مجاهد وايي چې په دغه بريد کې دوه ټانګونه له منځه وړل شوي او ګڼ شمېر وسلې او مهمات د طالبانو لاس ته ورغلي دي.

د يادونې ده، دشت ارچي د کندوز د نا امنو ولسوالۍ له ډلې ده چې ډېرې وخت په کې د امنيتي ځواکونو او طالبانو تر منځ جګړې کېږي.

ورته راپورونه:

نظر ورکړئ

اعلانونه

Advertisement