د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په سمنګان کې اته طالب وسله وال او دوه پوليس وژل شوي

په سمنګان کې اته طالب وسله وال او دوه پوليس وژل شوي

May 16, 2018 - 14:56

 ایبک (پژواک،٢٦ غويى ٩٧): د سمنګان امنيه قوماندان وايي چې وسله والو طالبانو ددغه ولايت د روى دواب ولسوالۍ پر امنيتي پوستو بريدونه وکړل چې په ترڅ کې يې ١٨وسله والو طالبانو او څلورو امنيتي سرتېرو ته مرګژوبله اوښتې ده .

د سمنګان د امنيه قوماندانۍ مطبوعاتي مسوول منیر رحیمي پژواک اژانس ته وويل چې لسګونو وسله والو طالبانو تېره ورځ په روى دواب ولسوالۍ کې د سرخ قلعه سيمې د پوليسو او ولسي پاڅون کوونکو پر پوستو بريدونه وکړل.

 نوموړي وويل چې وسله والو له بېلابېلو سيمو ددغه بريد لپاره طالبان راټول کړي وو چې په دې جګړه کې د سمنګان د حضرت سلطان ولسوالۍ لپاره د وسله والو طالبانو د نومول شوي ولسوال محمد علم مخلص په ګډون اته وسله وال طالبان وول شول.

دده په خبره، په دې جګړه کې چې پنځه ساعته يې دوام درلود، لس طالبان ټپيان شوي او دوه يې امنيتي ځواکونو نيولي دي.

د نوموړي په وينا،په دې جګړه کې دوه امنيتي سرتېري وژل شوي او دوه نور ټپيان دي.

 ده زياته کړه چې څو سيمې هم دولتي ځواکونو تر خپل کنټرول لاندې راوستلې دي.  

 د سمنګان د ولايتي شورا غړي قاضي نقیب الله تاتار وويل:(( د روى دواب خلک د طالب منلو روحيه نه لري، په دې جګړه کې زيات شمېر ولسي پاڅون کوونکو د امنيتي ځواکونو ملاتړ وکړ او د وسله والو طالبانو پرضد وجنګېدل.))

وسله والو طالبانو که څه هم د روى دواب د جګړې د تلفاتو په اړه څه نه دي ويلي، خو وايي چې څو پوستې يې نيولې دي.

ورته راپورونه:

نظر ورکړئ

اعلانونه

Advertisement