فراه (پژواک، ٣١ غويى ٩٧): د فراه ولايت په پشترود ولسوالۍ کې د وسله والو طالبانو د يوې ډلې قوماندان مولوي خالد تېره ورځ په هوايي بريد کې وژل شوى دى.
د پشترود ولسوالۍ د "نهال دشت" سيمې اوسېدونکي حاجي ملا خان محمد پژواک خبري اژانس ته وويل چې مولوي خالد تېره ورځ له غرمې وروسته په "نهال دشت" سيمه کې په هوايي بريد کې ووژل شو.
د هغه د معلوماتو له مخې، مولوي خالد د فراه د مرکز د شمالګاه سيمې اصلي اوسېدونکى و، خو اوس په پشتردو کې اوسېده او هلته د طالبانو د ١٢ کسيزې ډلې قوماندان و او د طالبانو په منځ کې يې ډېر محبوبيت درلود.
د فراه د ولايتي شورا غړي دادالله قانع هم په هوايي بريد کې د مولوي خالد وژل کېدل تاييد کړل.
وسله والو طالبانو تر دې دمه په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن