کابل (پژواک، ٢ غبرګولى ٩٧): د کډوالو چارو وزارت وايي چې له جرمني را ايستل شوي ١٥ نور افغانان هېواد ته را رسېدلي دي.
د کډوالو او بېرته راستنېدونکو چارو وزارت مطبوعاتي سلاکار حفيظ احمد مياخېل د غبرګولي په ٢مه پژواک خبري اژانس ته وويل چې دغه کسان نن سهار کابل ته را ورسېدل.
هغه زياته کړه چې له جرمني را ايستل شوي اکثره دغه افغان کډوال ځوانان دي چې په غير قانوني توګه دغه هېواد ته تللي وو.
د يادونې ده، تېره مياشت هم له جرمني ٢١ افغانان افغانستان ته رالېږل شوي وو.
د جرمني د کورنيو چارو وزارت اعلان کړى، هغه افغانان به وباسي چې په غير قانوني توګه دغه هېواد ته راغلي او د پناه غوښتنې يې رد شوې دي.
د دې تر څنګ په دې وروستيو کې له ترکيې هم د غير قانوني افغانانو د ايستلو لړۍ پيل شوې او تر اوسه يې سلګونه کسان بېرته کابل ته لېږلي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن