ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

له مخکې جوړو ودانیزو توکو څخه په ۱۷ ولایتونو کې ښوونځي جوړېږي

له مخکې جوړو ودانیزو توکو څخه په ۱۷ ولایتونو کې ښوونځي جوړېږي

author avatar
24 May 2018 - 18:14
له مخکې جوړو ودانیزو توکو څخه په ۱۷ ولایتونو کې ښوونځي جوړېږي
author avatar
24 May 2018 - 18:14

کابل (پژواک ٣ غبرګولى ٩٧): حکومت وايي، له مخکې جوړو ودانیزو توکو څخه په ۱۷ ولایتونو کې شپږ زره ښوونځي جوړېږي.

له ارګ څخه پژواک خبري اژانس ته په رالېږل شوې خبرپاڼه کې راغلي چې د ولسمشر محمد اشرف غني په مشرۍ له مخکې جوړو ودانیزو توکو څخه د شپږ زره ښوونځیو د جوړولو په خاطر نن مازیګر په ارګ کې غونډه جوړه شوه.

سرچينه کاږي، په دغې غونډه کې د پوهنې، د کلیو د پرمختیا او د کور او ښارجوړولو وزیرانو د مخکې جوړو ودانیزو توکو څخه د شپږ زره ښوونځیو د جوړولو د ډیزاین او عملي کار په اړه راپور وړاندې کړ.

هغوی وویل چې د ښوونځیو پر بېلابېلو طرحو کار شوی دی.

د دغو وزارتونو مسوولانو زیاته کړه، له مخکې جوړ ودانیز توکي د ولایتونو اقلیمي شرایطو ته په کتو په مناسبه بیه او لوړ کیفیت جوړېږي او له دغو توکو څخه به لومړنۍ ودانۍ په کابل ښار کې ګټې اخيستو ته وسپارل شي.

د پوهنې وزیر ډاډ ورکړ چې ژر به د ۱۷ سردسیر او ګرم سیر ولايتونو د ښوونځيو لیست چمتو او د کلیو د پرمختیا وزارت ته به یې وسپاري، ترڅو له مخکې جوړو توکو څخه په کې ښوونځیو ته ودانۍ جوړې کړي.

محمد اشرف غني په هېواد کې له مخکې جوړو توکو څخه د ښوونځیو په جوړولو کې د دغو وزارتونو کار وستایه او مالیې وزارت ته یې لارښوونه وکړه، چې د مخکې جوړو ودانیزو توکو د چمتو کولو بهیر د چټکتیا لپاره اړوندو بنسټونو ته مالي سرچینې په واک کې ورکړي.

د یادونې وړ ده چې له مخکې جوړ ودانیز توکي ۷۵سلنه په فابریکه او پاتې ۲۵سلنه نور د ودانۍ په اصلي ځای کې بشپړېږي، چې د یوې ودانۍ د جوړولو لپاره په کم وخت کې زیاتې اسانتیاوې برابروي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.