د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ميدان وردګوکې شپږو ملکي وګړو ته مرګ ژوبله واوښته

ميدان وردګوکې شپږو ملکي وګړو ته مرګ ژوبله واوښته

May 24, 2018 - 15:19

کابل، ښرنه (پژواک، ٣ غبرګولى ٩٧) : په ميدان وردګو ولايت کې د يوې چاودنې له امله شپږو ملکي وګړو ته مرګ ژوبله اوښتې ده.

د ميدان وردګو د والي وياند عبدالرحمن منګل د غبرګولي په ٣مه، پژواک خبري اژانس ته وويل چې دا چاودنه نن سهار د سيد اباد ولسوالۍ د تنګي درې اړونده سيمه کې رامنځته شوې ده.

هغه زياته کړه، په ياده سيمه کې د ملکي وګړو پر يوه فيلډر ډوله موټر د سړک د غاړې ماين  چاودنه شوې  چې له امله يې څلور تنه وژل شوي او دوه نور ټپيان دي.

منګل وايي، په وژل شوو او ټپيانو کې  ښځې او ماشومان هم شامل دي.

د نوموړي په وينا، ټپيان روغتون ته لېږدول شوي، خو د هغوى روغتيايي حالت په اړه يې معلومات نه درلودل.

تر اوسه ددې چاودنې مسووليت چا نه دى منلى .

د يو بل خبر له مخې، د پکتيکا ولايت په مرکز ښرنې ښار کې د دوو ماشومانو په ګډون درې تنه هغه مهال د امنيتي ځواکونو له لوري نيول شوي، چې غوښتل يې لاسي بمونه وغورځوي.

د امنيه قوماندانۍ د امنيت امر سمونوال عبدالرووف مسعود پژواک ته وويل چې دوى غوښتل پر يوې امنيتي پوستې لاسي بمونه وغورځوي.

د هغه په وينا، وسله والو طالبانو غوښتل په مرکز ښرنه کې ګډوډي جوړه کړي او چاودنې وکړي، خو امنيتي ځواکونو يې مخه ونيوله.

يوتن نيول شوی ماشوم چې د مرکز ښرنې دچهاردې دکلی اوسېدونکی دی ، وويل چې وسله والو طالبانو دوی ته لاسي بمونه ورکړي وو او غوښتل يې چې په مرکز ښرنې ښار کې ددرېيم سمت پوستې ته يې ور واچوي چې دامنيتي ځواکونو له لوري ونيول شول.

ورته راپورونه:

نظر ورکړئ

اعلانونه

Advertisement