د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چارواکي : وسله والو طالبانو تخار کې ۲۳ ښوونځي تړلي

چارواکي : وسله والو طالبانو تخار کې ۲۳ ښوونځي تړلي

May 24, 2018 - 12:47

تالقان (پژواک، ٣ غبرګولى ٩٧): د تخار د پوهنې رياست وايي چې له تېرو څو ورځو راهيسې وسله والو طالبانو ددغه ولايت ٢٣ ښوونځي تړلي دي.

د پوهنې رييس عبدالسميع ابديار د غبرګولي په ٣مه، پژواک خبري اژانس ته وويل چې وسله والو طالبانو ۱۵ ښوونځي په درقد، ۴ په خواجه بهاوالدين او درې په ينګي کلا ولسوالۍ کې تړلي او يو بل ښوونځی د جګړې له امله په خواجه غار ولسوالۍ کې تړل شوی دی.

د نوموړي په وينا، طالبانو ګواښ کړى چې که ددغې ډلې له لوري ټاکل شوی د پوهنې رييس امير محمد مزمل د ملي امنيت له بنده را خوشې نه شي، تړل شوي ښوونځي به خلاص نه کړي.

ابديار وايي : ((موږ د خلکو له لارې غواړو دغې ستونزې ته د حل لار پيدا کړو، د طالبانو پلاوي د تخار والي او نورو امنيتي چارواکو سره خبرې کړې دي؛ خو خبرو يې کومه پايله نه درلوده.))

د درقد ولسوال سيف الدين مشتاق بيا وايي، طالبانو ګواښ کړى چې که د دوى د پوهنې رييس  خوشې نه شي؛  نور ښوونځي به هم وتړي او د ټاکنو بهير به هم له خنډ سره مخ کړي.

مشتاق زياتوي، په ټولو نا کراريو او سخطو شرايطو کې ښوونځي نه وو تړل شوي او طالبانو هم ورسره مخالفت نه کاوه؛ خو ددغې ډلې د ياد چارواکي له نيول کېدو وروسته په ځېنو ولسواليو کې د طالبانو دريځ بدل شوی، که حالت همداسې دوام وکړي دا به د پوهنې لپاره ستر زيان وي.

د درقد ولسوالۍ د ترکو د کلي اوسېدونکي عبدالجبار پژواک خبري اژانس ته وويل چې دوه زامن يې د ښوونځي د تړل کېدو له امله له زده کړو پاتې شوې دي.

نوموړی وايي:((دوه اوونۍ وشوې چې د طالبانو تر ولکې لاندې سيمو کې ټول ښوونځي تړل شوي دي. طالبان وايي چې د دولت ښوونکو، مديرانو او نورو کارکونکو ته يې اجازه ورکوله چې په ډاډه زړه کار او فعاليت وکړي؛ خو له دې وروسته به د دولت يوه کارکوونکي ته هم د کار او فعاليت اجازه ورنه کړی.))

خو د والي وياند سنت الله تېمور وايي، دوی نه شي کولی چې د طالبانو د پوهنې رييس له بنده خلاص کړي.

هغه پژواک ته وويل، په پام کې ده چې د طالبانو تر ولکې لاندې سيمې د عملياتو په ترڅ کې پاکې او خلکو ته د زده کړو زمينه برابره شي.

تېمور وايي، له طالبانو سره معامله ناشونې ده .

وسله والو طالبانو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement