د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بلخ کې نامسوولو وسله والو اووه بنديان تښتولي

په بلخ کې نامسوولو وسله والو اووه بنديان تښتولي

May 25, 2018 - 09:33

مزارشريف (پژواک،۴ غبرګولی۹۷):دبلخ پوليس وايي چې نامسوولو وسله والو اووه بنديان تښتولي، د خلم ولسوالۍ اداري مرستيال او يو بندي وژل شوي او يو بل بندي ټپي دى.

د بلخ دامنيې قوماندانۍ وياند شېرجان دراني د غبرګولي په ٤مه،پژواک خبري اژانس ته وويل،پوليسو تېره شپه نهه تنه بنديان له خلم ولسوالۍ څخه مزار شريف ښار ته لېږدول چې د شپې شاوخوا لس بجې د مزار شريف ښار د هوايي ډګر په څلور لارې کې د نامسوولو وسله والو له کمېن سره مخ شول.

هغه زياتوي،دپوليسو او نامسوولو وسله والو د نښتې په ترڅ کې د خلم ولسوالۍ اداري مرستيال او يو بندي وژل شوي او يو بل بندي ټپي دى.

نوموړى د بنديانو په اړه نور معلومات نه ورکوي، خو زياتوي چې ټپي بندي روغتون ته لېږدول شوى او روغتيايي حالت يې د ډاډ وړ دی.

د ده په وينا، د بريد په پايله کې نامسوول وسله والو اووه تنه بنديان له ځان سره وړي دي.

درانی وايي چې د پېښې په اړه يې څېړنې روانې دي.

په سيمه کې ځايي اوسېدونکي وايي چې دغه کار نامسوولو وسله والو کړی او ياد کسان د کومې وسله والې ډلې له لوري نه دي تښتول شوي.

تراوسه کومې وسله والې ډلې د دغه بريد مسووليت نه دی منلی.

دا پېښه په داسې حال کې رامنځته کېږي چې څه وخت مخکې د بلخ يو شمېر چارواکو او مدني فعالانو په دغه ولايت کې د نامسووله وسله والو د زياتوالي او د ناامنۍ د ډېرېدو خبر ورکړى و. 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan